Filipenses 3
3
E sirkunsision ta o zakono
1Phlalalen, veselin tumen ando Del ta ni chinivav te phenav tumenge pale so pisisardem tumenge omanglal, soke gua si te sai llal tumenge mai sukar. 2Arakhen tumen katar e llene bilache kai chinen kotora katar e esnaga, 3soke e chachune llene kai si sirkunsidime sam amen, gola kai o Duo cherel amen te voli e Devle ta achara kai sam blagosime soke sam e Jesukristoke, ta ni uzdi amen ande so chera.#Jer 4.4; Ro 2.28-29; Gl 6.14-15; Kol 2.11-13. 4A i me sai uzdiu man ande gola ezgode. Chachimaia me sem o lleno kai mai but sai uzdiu man ande gola ezgode: 5Kana biandilem ta nakhle ojto llive, cherde mange e sirkunsision. Me sem israelita katar e vicha e Benjamineki, ebreo ta chavo katar e ebreura. Me sema o lleno kai mai acharela ando zakono e judionengo ta i fariseo.#Ech 23.6; 26.5; Ro 11.1. 6Gia zurale pachava kai mangava te zatriv e llenen katar e khanlliri; me cherava sa so phenel o zakono, ta niko nasti dosarela man katar niso.#Ech 8.3; 9.1-2; 22.4; 26.9-11. 7A sa gala ezgode kai mange mola len but omanglal, akana cheres o Kristo ni mol len niso. 8Nasti thove niso prema o baro lachipe kai si te pinllare e Kristo Jesuse, mo Gazda. Cheres o Kristo sa e ezgode si mange jasarde, ta sa si mange llubri te sai lau le 9ta te avav pasa le, ta na llindo chacho pala o zakono; me mangav te avav llindo chacho pala o pachape ando Kristo, ta gua lale katar o Del cheres o pachape. 10So me mangav si te pinllarav e Kristo, te acharav e zor kai saia kana ustilo katar o meripe, te nakhav leki patnia ta te merav sargo vou,#Ro 6.11-13; 8.29; 2 Kor 3.18; Gl 4.19. 11ta voliva te ustav katar o meripe.
Ka resa mai angle
12Galea me ni phenav tumenge kai me liem sa gala ezgode, ta ni phenav tumenge kai inai man ni iek bilachipe. Llau angle ta mangav te avav gia, soke o Kristo Jesus reslo mande mai anglal. 13Phlalalen, me ni phenav kai liem le. So cherav si kai bristarav man katar so achilo palpale ta trudiu man te resav so si angle, 14te resav kote kai mangav ta te dobiu o chari katar o miloso kai o Del ikharda amen te la cheres o Kristo Jesus.
15Sa gola kai sam mai bare ando pachape morabi te misli amen gia. A vareko tumendar te avela le aver mislo kai inai sargo amaro, o Del ka sikavel le i gua. 16A morabi te zivi prema so liam llik kate.
Katar o miloso sam
17Phlalalen, cheren prema so cherav me ta dikhen i pe llene kai zivin prema sar sikadam len amen.#1 Kor 4.16; 11.1. 18But droma phendemle tumenge, ta akana phenaule tumenge pale rovindo, si but llene kai zivin sargo dusmanura katar o krusto e Kristoko, 19ta von si te jasaon. Lengo del si o jape, ta cheren baripe ande so saia te avel lenge lallao. Samo mislinpe ande ezgode gale suetoke. 20A amen sam katar o miloso ta adurichara te avel katar o miloso o Braduimari, o Gazda Jesukristo, 21kai ka pharruvel amari esnaga lallaimaki te avel blagosime sargo leki esnaga. Ta ka cherel le e zoriaia kai si le pe sa e ezgode.
Currently Selected:
Filipenses 3: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
