Numeros 36
36
So ka len e diskinie
1E birovura katar e familie katar e viche katar o Galaad chaurro katar o Makir, chaurro katar o Manases, katar e familie katar o Jose, llele angla o Moises ta angla e familie katar o Israel, 2ta phende:
O Del phenda tu te fulave maskar e israelita e phuv prema sar perela suakone llene ta i phenda chuke e phuv kai saia te perel e Selofjade, kai saia katar amari familia saia te dela leke chorrenge. 3A von te zininape e llenenchar kai si katar aver vicha katar o Israel, e phuv kai pela len ga avel katar e vicha katar e llene kai von zinisaile lenchar. Gia ka len amendar so pela amen katar e phuv. 4Ta mapalal kana ka avel o burs kana mukliardon ando Israel e phuv lengi ka avel ogole vichaki ta ni ka avel ios e phuv katar amari vicha.#Lv 25.8-16.
5Ondaka o Moises gia sar phenda leke o Del te cherel phenda so te cheren e israelita:
E llene katar e vicha katar o Jose so phende si o chachipe.
6O Del ka mukel von te zininpe kaia von mangena samo te avena katar lengi vicha kai avel katar lengo dad. 7E phuv kai suako lleno katar o Israel lia, nasti nakhel katar iek vicha kai aver. Suako israelita morabi te achel lete leki phuv ande piri vicha. 8A varesavi diskinia kai si la phuv morabi te zinilpe iekhe llenea te avel isto katar piri vicha. Gia suako israelita ka achel lete e phuv kai lia katar pe dada. 9Ta gia e phuv te na nakhel katar iek vicha kai aver. Suako vicha katar o Israel morabi te achel lende e phuv kai pela len.
10Gia sar phenda o Del e Moiseseke gia cherde e chorra katar o Zelofjad. 11Goleke e Maala, e Tirsa, e Jogla, e Milka ta e Noa e chorra katar o Zelofjad, zinisaile e chaurrenchar katar pe kakura katar e rig pe dadeki 12kai avena katar e vicha katar o Manases, chaurro katar o Jose. Gia e phuv achili ande vicha kai saia lengo dad.
13Gala si e alava ta e zakonura kai o Del dia e israelen kai dia kai o Moises ande umalia katar o Moab, pasa o Jordan angla o Jeriko.
Currently Selected:
Numeros 36: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
