Numeros 35
35
E forura kai lie e Levita
1O Del dia orba e Moisesea ande umalia katar o Moab, pasa o Jordan, angla o Jeriko ta phenda leke:
2Phen e israelenge kai katar ephuv kai si telen, te den e levitaonen forura te sai zivin ta i te den len umalia pe zivirinienge kai si truial katar e forura. 3E Levita ka zivin ande gola forura ta ande umalia ka avel lenge zivirinie. 4E umalia kai si te den len morabi te aven truial o foro, star stotine ta pinda pole avri katar o zido e foroko. 5Sa e bar ka avel la star riga kai ka avel len isto gola pole katar perel o kham katar o norte ta katar o sur. O foro ka achel po maskaral ta e umalia ka aven thruial.
6Katar e forura kai ka den e levitonen sov forura ka aven forura kai te gurudon e llene kai mundarde vareka. Ta katar gala sov i ka den len ios saranda ta dui forura. 7Sa e forura kai si te den e levitonen morabi te aven saranda ta ojto forura pe umalienchar e zivirnienge. 8Kana ka den katar pi phuv e israelita e forura e levitonenge, von ka den prema so pela len: katar e phuv mai bari ka len mai but forura ta katar e phuv mai minoni ka len mai cherra.
E forura kai te gurudon
Dt 19.1-13; Jos 20.1-9
9O Del dia orba e Moisesea ta phenda leke:
10Phen e israelenge gala alava: Kana tumen ka nakhen o pai katar o Jordan ta ka den ando Kanaan, 11tumen morabi te ezbirin nesave forura te aven forura kai te gurudon e llene kai mundarde vareka a ni kamena te cherel le. 12Ande gola forura ka gurudol gua lleno kai mundarda te na mundaren le soke mai anglal morabi te avel angla o foro te sai krisin le. 13Katar e forura dine sov ka aven te gurudon: 14trin katar likel o kham katar o Jordan ta trin ando Kanaan. 15Gala sov forura ka aven forura te gurudon, pegachin e israelenge ta i e llenenge kai aven katar aver phuvia kai zivin o kai nakhen maskar tumende. Kote sai ka gurudon sa e llene kai mundarde avere llene a ni kamena te cherel le.
16Vareko te rrranila iekhe llene iekhe sastrea ta o lleno rranipe merela, gua si mundardipe ta o lleno kai mundarda morabi te chindol pe leke te avel mundardo.
17A vareko te chalavela avere llene iekhe barrea kai sai mundarel ta o lleno chaladino merela, gua si iek mundardipe ta o lleno kai mundarda morabi te chindol pe leke te avel munbdardo.
18A vareko te chalavela avere llene iekhe kastea kai sai mundarel ta o lleno chaladino merela, gua si iek mundardipe ta o lleno kai mundarda morabi te chindol pe leke te avel mundardo. 19O lleno kai si mai familia katar o lleno kai mulo isto vou ka mundarel gole llene kai mundarda leke familia kana ka marakhel le.
20Vareko te espidela avere llene ande joli, o te chudela vareso ande lete bilachamaia, 21O chalavela pe vastenchar jolinaia, ta o gua lleno merela, o lleno kai mundarda le ka chinen leke te avel mundardo soke mundarda. O lleno kai si mai familia katar o lleno kai mulo isto vou ka mundarel gole llene kai mundarda leke familia kana ka malavel le.
22A vareko te espidela avere llene a vou ni kamela ta ni cherda le ande joli, a te chudela vareso ande iek lleno ta ni cherda le bilachimaia, 23o chudela iek barr ta ni dikhla kai chudia le ta gua barr sa mundarel ta te perela upral pe vareka ta te mundarela le a gua lleno kai mulo ni saia leko dusmano ta gua kai chudia o barr ni ka mela te mundarel le, 24ondaka o foro ka chinel e kris maskar o lleno kai mundarda ta o lleno kai si mai familia katar o leno kai mulo ta kai mangel te mundarel gole llene kai mundarda, ka chinen e kris prema gala zakonura. 25O foro morabi te arakhel e llene kai mundarda katar o lleno kai mangel te mundarel le soke si familia katar o lleno kai mulo ta o foro ka cherel te irilpe ando foro kai gurudon kote kai rodiaia te gurudol. Gua kai mundarda morabi te achel kote lligo ni ka merel o mai baro popo kai thode pe lete o Zeitino santo. 26A te likela katar o foro kai gurudon, 27ta o lleno kai si familia katar o lleno kai mulo malavela le avri katar o foro ta mundarela le ni ka dosaren le katar so cherda. 28O lleno kai mundarda morabi te achel ando foro kai gurudon lligo ni ka merel o mai baro popo ta mapalal sai ka irilpe ande po foro.
29Gala alava morabi te aven tumenge iek zakono oztade kaigo te zivina.
E zakonura katar e orba e chachi ta katar o reskate
30Samo katar e orba e chahi katar but llene sai ka chinen iekhe lleneke kai mundarda evere te merel. Samo iek lleno te del orba nasti pala iek lleno chinen nikake te merel.
31Ni ka len love pala o zivoto katar iek lleno kai mundarda kai si chindo leke te merel. Gua lleno morabi te merel.
32Nasti ka len love te sai muken iekhe llene kai mundarda kai rodia iek foro kai gurudon mai anglal te merel o mai baro popo.
33Na pokalin o e phuv kai ka zivin mundarrimaia, soke o mundaripe pokalil e phuv ta nasti ka jaladol e phuv lligo ni ka mundardol o lleno kai mundarda.
34Na pokalin e phuv kai ka zivin ta kai i me ka ziviu, soke me o Del ziviu maskar o Israel.
Currently Selected:
Numeros 35: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
