Numeros 34
34
Kai resel e phuv
1O del dia orba e Moisesea ta phenda leke:#Jos 15.1-14; Ez 47.13-20.
2Phen gala alava te cheren e israelita:
Oma tumen ka den ande phuv katar o Kanaan. Gaia si e phuv kai ka avel tumari llik kai resela:
3E phuv ka resel llik po pusto katar o Zin ta e phuv katar o Edom. Katar likel o kham ka resel llik ando sur katar o Mora e Londi, 4ta ka resel ando sur llik kai e dron vazdino katar o Akrabim, ka nakhel katar o Sin ta ka resel llik ando Kades Barnea ta i ka resel ando Jasar Adar llik kai o Asmon, 5ta katar o Asmon ka resel llik kai o pai katar o Ejipto ta ka resel llik katar likhel o kham.
6E phuv katar likel o kham ka resel llik kai e mora e bari.
7A e phuv kai si ando norte ka resel katar e mora e bari sa orta llik kai o burdo Or. 8Ta llik katar delpe ando Jamat, ta llik kai o Sedad. 9Katar o Sedad ka resel llik ando norte chak ando Zifron ta ka resel llik ando Jasar Enan.
10E phuv katar likel o kham ka avel katar o Jasar orta llik kai o Sefam. 11Ta katar o Sefan llik kai o Ribla katar likel o kham katar o Ain. Ta e phuv ka fuliel katar likelo kham katar o pai kineret, 12ta ka resel katar o pai katar o Josdan lligo ni ka avel kai e mora e moli.
Gava si chak kai ka resel tumari phuv.
Fulaven e phuv
13O Moises phenda gala alava te cheren e israelita:
Gaia si e phuv kai ka fulaven tumenge prema sar perela suako llene, gaia si e phuv kai o Del phenda te delpe e inia vichenge ta dopas kai achen, 14soke dui viche ta dopas kai si katar e vicha katar o ruben ta katar o Gad ta e dopas vicha katar o Manases von ia lie peke phuv. 15Dui viche ta dopas ia lie peke phuv pe gaia rig katar o Jordan angla o Jeriko katar likel o kham.#Jos 14.1-5.
16O del dia orba e Moisesea ta phenda leke:
17Ko ka fulavel e phuv maskar tumende si opopo Eleazar ta o Josue chaurro katar o Nun. 18Ta i ikharen iekhe birove katar suako vicha, te sai fulaven e phuv. 19Gala si e anava katar e llene kai si te ikharen:
Katar e vicha katar o Juda:
O Kaleb, chaurro katar o Jefune.
20Katar e vicha katar o Simeon:
O Samuel, chaurro katar o Amijud.
21Katar e vicha katar o Benjamin:
O Elidad, chaurro katar o Kislon.
22Katar e vicha katar o Dan:
O birovi o Buki, chaurro katar o Jogli.
23Katar e chaurre e Joseke katar e vicha katar o Ruben:
O birovi o Janiel, chaurro katar o Efod, 24katar e vicha katar e chaurre katar o Efrain o birobi o Kemuel, chaurro katar o Siftan.
25Katar e vicha katar e chaurre katar o Zabulon:
O birovi o elisafan, chaurro katar o Parnak.
26Katar e vicha katar e chaurre katar o Isakar:
O Paltiel, chaurro katar o Azan.
27Katar e vicha katar e chaurre katar o Aser:
O birovi o Ajijud, chaurro katar o Selomi.
28Katar e vicha katar e chaurre katar o Neftali:
O birovi o Pedajel, chaurro katar o Amijud.
29Gale llenen thoda o Del te fulaven e phuv katar o Kanaan maskar e israelita.
Currently Selected:
Numeros 34: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
