Numeros 31
31
E zatrania katar o mdian
1O Del dia orba e Moisesea ta phenda leke:
2Cher te pochinen e madianitura so cherde e Israelenge ta mapalal katar gava ka mere.
3Ondaka o Moises phenda e foroke:
Nesave tumendar lachardon e marimake ta maren tumen e manusenchar katar o Madian te sai pochinen ando anav e Devleko.
4Suako vicha katar o Israel morabi te bichalen milia llenen te marenpe.
5Gia si sar ezbirisarde katar suako vicha katar o Israel milia llenen kai cherdile desudui milie llene lacharde te marenpe. 6O Moises bichalda len po maripe ta llelo lenchar o finees, chaurro katar o popo Eleazar kai inllarela e ezgode sante ta e tuturuge kai basena kana von kan von llana te marenpe. 7Ta mardepe e manusenchar katar o Madian ta mundarde saurren, gia sar o Del phendaia e Moiseseke te cherel. 8Ta maskar e llene kai mundarde sea e charura katar o Madian, o Evi, o Rekem, o Zur, o Jur ta o Reba, e panch charura katar o Madian. A o Balaam chaurro katar o Beor i le mundarde. 9E israelita inllarde phangle e diskinien e madianenge ta i lie lenge minonen ta lie lendar lenge zivirinie ta sa so saia len, 10Ta i phabarde sa lenge forura ta forichura kai zivina, 11ta sa so saia len manusa ta i zivirinie. 12Ta sa gola ezgode kai ande, ande len kai o Moises, kai o Eleazar ta kai o foro katar o Israel kai lengo pero saia kai e umal katar o Moab, pasa o Jordan, angla o Jeriko.
13O Moises o popo Eleazar ta sa e birovura katar o foro llele te lel len avri katar o pero. 14A o Moises jolailo e birovenchar kai gazdarina pe milia ta pe stotina bonllikura kai avena katar o maripe, 15ta phenda lenge:
¿Soke muklen llunde sa gale diskinien?
16Soke pala e dos katar o Balaam, kana von thodele sama so phenda lenge cherde e israelita te vazdiniaon po Del ta cherde te blagosin e devle kai ikhardo Baal Peor. Goleke but mule maskar o foro e Devleko.#Nm 25.1-9. 17Mundaren akana sa e minonen kai si murus ta sa e diskinien kai inai chea. 18E chorren kai si chea muken len te zivin. 19Ta sa gola llene kai mundarde vareka o dodisarde varesave esnage mule, morabi te achen avri katar o pero efta llive. Gia tumen sar e llenen kai phanglen morabi te chiston tumen o trito llive ta o eftato llive. 20Morabi te chiston i e patave ta sa e ezgode cherde katar e morchi, o katar e bal katar e busnia o te avena kastune.
21O popo Eleazar phenda sa e monitonenge kai sea po maripe:
Gava si iek zakono kai o Del dia e Moisese:
22E ezgode cherde katar o sunakai, katar o rup katar o tuch katar o sastri katar o archichi katar o molivi 23ande iek alav sa so ni phabol iagaia, morabi te chiston len ande iag ta te jalaven len e paiea katar o chistope. E ezgode kai phabon e iagaia morabi te chistonpe samo paiea. 24O llive eftato morabi te jalaven pe patave ta ka achen chiste. Mapalal sai ka den ando pero.
Fulaven so lie kana mardepe
25O del dia orba e Moisesea ta phenda leke:
26Tu ta o popo Eleazar ta e borovura katar e familie katar o foro, llin e llenen ta e zivirinie kai lien katar e madianitas, 27fulav len pe dui isura ta de iek isi golen kai llele te marenpe a o gua isi maskar sa o foro. 28Ta i ka chide so ka avel dino e Devleke katar pherel e boñikonen ta i sa e sueto katar e guruva, katar e magarcha ta e bakre, ka le iek katar e panch stotine 29ta ka de le kai o popo Eleazar sargo ofrenda e Devleke. 30Ta katar o dopas kai si katar e israelita, i katar e llene ta katar e guruva magarchura ta bakre katar sa e zivirinie ka le iek katar e pinda ta ka delen kai e levita kai radin ando santuario.
31O Moises ta o Aaron cherde gia sar o Del phendaia e Moiseseke te cherel. 32Sa so lie katar pe dusmanura bi te llindol so e boñikura chidie von petar, sea sov stotine ta eftavardes ta panch milie bakre 33eftavardes ta dui milie guruva 34sovardes ta iek milia magarchura 35ta tranda ta dui milie chea. 36Goleke, o dopas kai pela e boñikonen sea trin stotine ta tranda ta efta milie ta panch stotine bakre 37kai lendar diepe sov stotine ta eftavardes ta panch ofrenda e Devleke. 38Katar e tranda ta sov milie guruva diepe sovardes ta dui ofrenda e Devleke. 39Katar e tranda milie ta panch stotine magarchura diepe sovardes ta iek ofrenda e Devleke. 40Ta katar e desusov milie chea diepe tranda ta dui ofrenda e Devleke. 41O Moises dia e ofrenda e Devleki kai o popo Eleazar, gia sar o Del phendaia e Moiseseke te cherel.
42A o gua dopas katar o isi kai perela e israelen ta kai o Moises thoda pe iek rig katar so perela e llenen kai llelea te marenpe, 43saia isto trin stotine ta tranda ta efta milie ta panch stotine bakre, 44tranda ta sov milie guruva, 45tranda ta panch milie ta panch stotine magarchura, 46ta desusov milie llene. 47Katar gava dopas isi ikanda iek katar e pinda, ta i katar e manusa ta i katar e zivirinie ta dia len kai e levita kai radina ando santuario e Devleko, gia sar o Del phendaia e Moiseseke te cherel.
48Ondaka e birovura kai tala lengo va sea milia o stotina monllikura llele te dikhen e Moisese 49ta phende leke:
Amen che sluga, llindam e mollikura kai sea tala amaro va ta saurre si kate. 50Etalen kate e ezgode sunakune kai suako lleno malada: slave, angrusta, chea ta aver ezgode te da len e Devleke te sai la a maro prostipe.
51O Moises ta o Eleazar lie lendar sa e ezgode sunakune 52kai die ofrenda e birovura kai tala lengo va sea milia o stotina monllikura, gala ezgode phariade mai but katar e stotina ta ojtovardes ta star kile, 53soke suako boñiko anda vareso katar so liea katar pe dusmanura. 54Gia si sar o Moises ta o Eleazar lie katar e birovura o sunakai kai andea ta inllarde le kai e chara kai chidiniaon te sai o Del delpe golli katar e israelita.
Currently Selected:
Numeros 31: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
