Numeros 30
30
Kana de cho alav e Devle
1O Moises phenda e birovenge katar e viche katar o Israel:
Gava si so o Del phenda te cheren.
2Kana iek lleno del po alav e Devle o jala sovel morabi te cherel sa so vou phenda kai ka cherel.
3Kana iek diskinia terni kai zivil kai po dad dela po alav e Devle te cherel vareso 4ta lako dad mukela la goia diskinia terni morabi te cherel so phenda. 5A lako dad te asunela so voi phenda kai ka cherel ta lake dadeke te na avela leke drago, voi ni ka achel phangli pe po alav kai dia e Devle soke lako dad ni avila leke drago so voi mangela te cherel ta o Del ka prostil la soke lake dadeke ni avila leke drago.
6A e diskinia te si zinime ta del po alav e Devle te cherel vareso. 7A lako rrom te asunela so voi phenda te cherel ta mukela la voi morabi te cherel so phenda. 8A lako rrom te asunela so voi phenda te cherel ta leke ni avela drago so voi phenda te cherel ondaka kote voi ni ka achel phangli pe po alav kai dia e Devle ta o Del ni ka mangel latar te cherel so phenda.
9A e diskinia te avela phivli o mukli kai dia po alav te cherel vareso e Devleke voi morabi te cherel so phenda.
10A kana iek diskinia kai si zinime dela po lav te cherel vareso ta jala gola sovel ando cher pe rromeko, 11a lako rrom te asunela so voi phenda ta ni phenela niso ondaka voi morabi te cherel so phenda. 12A kana lako rrom asunela so voi jala sovel te cherel ni mukela la te cherel so voi phenda te cherel ondaka kote voi ni ka achel phangli pe pe alava soke lako rrom ni mukla la gole o Del ka prostil la.
13O rrom sai mukel o sai achavel varesave sovel o alav kai dia leki rromi e Devle te cherel, 14a lako rrom te na phenela niso llive po llive, ondaka kote si kai vou mukel la te cherel sa so voi phenda sovlienchar kai ka cherel. 15A te nakhela o vreme ta mapalal vou achavela pe rromia te na cherel so voi phenda te cherel sovlienchar, ondaka kote vou ka inllarel o bilachipe lako.
16Gala si e zakonura kai dia o Del e Moisese kai si maskar o manus ta leki rromi ta maskar o dad ta leki chorri so voi zivila ando cher pe dadeko ande po ternipe.
Currently Selected:
Numeros 30: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
