Numeros 32
32
E vicha katar o Ruben ta o Gad besle ando Jordan katar likel o kham
Dt 3.12-22
1E chaurre katar o Ruben ta katar o Gad sea len but guruva ta bakre, goleke kana dikhle e phuv katar o Jaser ta katar o Galaad kai saia lachi te bariarena zivirinie, 2llele kai o Moises ta kai o Eleazar ta kai e birovura katar o foro ta phende lenge:
3Dikhen e phuv katar o Atarot, o Dibon, o Jaser, o Nimra, o Jesbon, o Elale, o Seban o Nebo ta o Beon, 4kai o Del dobisarda e foroke katar o Israel, si phuvia kai si char e zivirinienge, a so si amen tumare sluge si zivirinie 5Te avela chuke drago de amen gola phuvia amen ta na cher amen te nakha o pai katar o Jordan.
6A o Moises phenda llenenge:
¿Tumen mangen te achen kate so tumare phlal llan po maripe?
7¿Soke mangen te peraven e zor katar e israelita sar te na nakhen ande phuv kai o Del dia len? 8Isto gua cherde tumare dada kana bichaldem len katar o Kades Barnea te sai dikhen goia phuv. 9Avile llik kai pai katar o Eskol ta dikhle e phuv ta mapalal perade e zor katar e israelita sar te na den ande phuv kai o Del diaia len.#Nm 13.17-33. 10Goleke o Del gua llive jolailo ta jala sovel 11kai e llene kai likiste katar o Ejipto ta kai saia lenge bis burs upre ni ka dikhen e phuv kai sovlienchar jalema e Abrameke e Isaakeke ta e Jakobeke, soke ni sea chache angla ma. 12Samo o Kaleb chaurro katar o Jefone seneseo ta o Josue chaurro katar o Num, llele chachimaia pala o Del. 13Ta o Del jolailo e israelenchar ta cherda len te llan po pusto saranda burs, lligo ni mula sa goia vicha kai cherdea o bilachipe angla o Del.#Nm 14.26-35. 14Ta akana i tumen mangen te cheren so cherde tumare dada ta pale te joliaol o Del e israelenchar. 15A tumen te na mangena te llan pala o Del, vou ka cherel e israelen te achen ios vreme po pusto ta tumen ka aven e dosale katar e zatrania katar gava foro.
16Ondaka von avile kai o Moises ta phende leke:
So amen manga si kate te chera rindura amare Bakrenge ta amare guruvenge ta forura amare familiake.
17Mapalal isto amen ka lachara amen te lla e marimake ta ka lla oma angla ogola israelita lligo ni ka inllara len kai lingi phuv ta so amen chera gava, amare familie ka achen ande forura gurudine katar e llene kai zivin ande gaia phuv. 18Ta ni ka iri amen kai amare chera lligo ni israelita lena peke iek phuv. 19Soke amen ni ka la phuv pe ogoia rig katar o Jordan ni mai incha.
20Ondaka o Moises phenda lenge:
Te cherena le gia ta te lacharena tumen e marimake ta te llan angla o Del po maripe, 21a sa tumen te nakhena o pai katar o Jordan lacharde e marimake angla o Del lligo ni trade la pe dusmanen angla pete, 22ta lligo ni dobila sa e phuvien, ondaka tumen sai ka irin tumen kote ka achen bi dosake angla o Del ta angla o Israel. Ta gaia phuv ka avel tumari angla o Del. 23A te na cherena le gia, cheren iek bilachipe angla o Del ta pala gua bilachipe ka len duk. 24Vazden forura tumare familienge ta rindura tumare bakrenge ta e orba kai phenden kai ka cheren, cheren la.
25Ondaka o porodo katar o Gad ta katar o Ruben phende e Moiseseke:
Che sluge ka cheren so tu phendan.
26Amare diskinie ta amare chaurre minone ta sa amare zivirinie, ka achen kate, ande forura katar o Galaad, 27ta amen che sluge, ka lachara amen te lla po maripe angla o Del gia sar tu phendan amenge te cherela le.
28Ondaka o Moises phenda gala ezgode te cherel o Eleazar, o Josue ta sa e birobura katar e viche katar o Israel:
29E chaurre katar o Gad ta e chaurre katar o Ruben nakhena o pai katar o Jordan, lacharde te marenpe angla o Del lligo ni tumen dobina e phuv, ondaka tumen ka den len e phuv katar o Galaad te avel lengo. 30A te na nakhena lacharde te marenpe, ondaka ka len iek phuv maskar tumende ande phuv katar o Kanaan.
31E chaurre katar o Gad ta o Ruben phende:
Ka chera so o Del phenda gale slugenge chire.
32Ka nakha lacharde te mara amen angla o Del ande phuv katar o Kanaan ta amari phuv ka avel pe gaia rig katar o Jordan.#Jos 1.12-15.
33Gia o Moises dia e chaurren katar o Gad, e chaurren katar o Ruben ta e dopas katar e vicha katar o Manases chaurro katar o Jose, e phuv katar o Sejon charo katar e amorreura ta e phuv katar o Og charo katar o Basan e phuv ta i lenge forura ta i e phuvia ta e forura kai si truial. 34E llene katar e vicha katar o Gad vazdie pale e forura katar o Dibon, o atarot, o Aroer, o Atarot Sofan, o Jaser, o Jogbeja, 35o Atarot Sofan, o Jaser, o Jogbeja, 36o Bet-nimra, ta o Bet Aran, ta zuriarde lenge zidura ta cherde rindura e bakrenge. 37E llene katar e vicha katar o Ruben vazdie pale e forura katar o Esbon, o Elale, o Kiriataim, 38o Nebo, o Baal Meon ta o Sibma, ta pharude nesave anava katar gola forura ta thode pire anava pe forura kai von pale vazdie.
39A e chaurre katar o Makir chaurro katar o Manases llele kai o Galaad ta lie la peke ta tradie amorreonen kai zivina kote. 40Ta o Moises dia kai o Makir e phuv katar o Galaad ta von zivisarde kote. 41Ta i o Jair chaurro katar o Manases lia lenge forichura ta thoda lenge anava Javot Jair. 42Isto gia o Noba llelo ta lia o foro katar o Kenat ta leke forichura ta ikharda len Noba prema po anav.
Currently Selected:
Numeros 32: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
