Numeros 29
29
E slava katare tututuge
Lv 23.23-25
1O llive o purvo katar o eftato chon tumen ka avel tumen iek santo chidinipe. Ande gua llive ni ka cheren ni iek rado ta gua llive ka basalen e tuturuge. 2Ta ka den kurbano phabardo kai khandel sukar e Devleke, ka den iek telcho, iek busno ta efta bakre iekhe bursenge, te na aven nasuale. 3Ta lenchar e ofrenda katar e arina cherdi e zeitinoia sov kile po telcho, star kile po busno, 4ta dui kile pe suako bakro. 5Ta ka den ie busno kurbano pala tumaro bilachipe, 6Ta i ka den o kurbano suako chon ta i o kurbano kai del pe suako llive ta lenge ofrende katar e septelie ta e mol, gia sar o Del phenda te cheren le. Gaia ka avel iek ofrenda phabardi kai khandel sukar phabardi ando liubao e Devleko.
E ofrende katar o llive e prostimako
Lv 23.26-32
7O llive desengo isto katar gua chon eftato, ka avel tumen iek santo chidinipe, gua llive ka allunin ta ni ka cheren ni iek rado. 8Ta ka den kurbano phabardo kai khandel sukar e Devleke, iek telcho iek busno ta efta bakre iekhe bursenge, te na aven nasuale. 9Pe o ofrendaia katar e arina cherdi e zeitinoia sov kile po telcho star kile po busno 10ta dui kile pe suako bakro. 11
E ofrende kana cherdol e slava katar e cherorra patrenge
Lv 23.33-44
12O llive desupanch katar o eftato chon ka avel tumen iek santo chidinipe. Ande gua llive ni ka radin. Efta llive ka cheren slava ando liubao e Devleke. 13O purvo llive ka den kurbano phabardo kai khandel sukar e Devleke, desutrin telchura, dui busne ta desupanch bakre te na aven nasuale iekhe burseke. 14Ta lenge ofrende katar e arina cherdi Zeitinoia sove kilengi pe suako telcho star kile pe suako busno 15ta dui kile pe suako bakro. 16Ta i ka den iek busno pala o bilachipe ta i o kurbano kai delpe suako drom ta e ofrenda katar e septelie ta e mol.
17O duito llive ka den desudui telchura, dui busne ta desustar bakre iekhe bursenge te na aven nasuale. 18Ta i ka denpe e ofrende katar e septelie ta e mol prema pe gachin telchura, busne ta bakre gia sar o Del phenda te cheren. 19Ta i ka delpe iek busno kurbano pala o bilachipe ta i o kurbano phabardol kai delpe suako drom pe ofrendaia katar e septelia ta e mol.
20O trito llive ka denpe desuiek telchura, dui busne ta desustar bakre iekhe bursenge te na aven nasuale. 21Ta i ka denpe e ofrende katar e septelie ta e mol prema e telchura e busne ta bakre, gia sar o Del phenda te cheren. 22Ta i ka den iek busno kurbano pala o bilachipe ta i o kurbano phabardo kai del pe suako drom ta e ofrende katar e septelie ta e mol.
23O llive desustar ka denpe des telchura, dui busne ta desustar bakre iekhe bursenge te na aven nasuale. 24Ta i ka den e ofrende katar e septelie ta e mol prema e telchura e busne ta e bakre kai ka den gia sar o Del phenda tumenge te cheren 25Ta i ka den iek busno kurbano pala o bilachipe ta i o kurbano phabardo kai delpe suako drom ta e ofrende katar e septelie ta e mol.
26O llive panch ka den inia telchura dui busne ta desupanch bakre iekhe burseke te na aven nasuale. 27Ta i ka den e ofrende katar e septelie ta e mol prema e telchura e busne ta e bakre kai ka den gia sar o Del phenda tumenge te cheren 28Ta i ka den iek busno kurbano pala o bilachipe ta i o kurbano phabardo kai delpe suako drom ta e ofrende katar e septelie ta e mol.
29O llive sov ka den ojto telchura, dui busne ta desustar bakre iekhe burseke, te na aven nasuale. 30Ta i ka den e ofrende katar e septelie ta e mol prema e telchura e busne ta e bakre kai ka den gia sar o Del phenda tumenge te cheren. 31Ta i ka den iek busno kurbano pala o bilachipe ta i o kurbano phabardo kai delpe suako drom ta e ofrende katar e septelie ta e mol.
32O llive efta ka den efta telchura dui busne ta desupanch bakre iekhe burseke te na aven nasuale. 33Ta i ka den e ofrende katar e septelie ta e mol prema e telchura e busne ta e bakre kai ka den gia sar o Del phenda tumenge te cheren. 34Ta i ka den iek busno kurbano pala o bilachipe ta i o kurbano phabardo kai delpe suako drom ta e ofrende katar e septelie ta e mol.
35O llive inia ka cheren iek santo chidinipe ta ande gua llive ni ka cheren ni iek rado. 36Ta ka den kurbano phabardo kai khandel sukar e Devleke iek telcho, iek busno ta efta bakre iekhe bursenge, te na aven nasuale. 37Ta i ka den e ofrende katar e septelie ta e mol prema e telchura e busne ta e bakre kai ka den gia sar o Del phenda tumenge te cheren. 38Ta i ka den iek busno kurbano pala o bilachipe ta i o kurbano phabardo kai delpe suako drom ta e ofrende katar e septelie ta e mol.
39Gala si e ezgode kai morabi te den e Devle po vreme katar e slave ta i tumare ofrende kana dien tumaro alav o soke mangen te den ofrenda, sai aven kurbanura phabarde o ofrende katar e septelie ta mol ta e kurbanura pala e pas.
40Ta o Moises phenda sa so o Del phendaia leke te cherel.
Currently Selected:
Numeros 29: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
