Numeros 28
28
E ofrende sauko llive
Ek 29.38-46
1O Del dia orba e Moisesea ta phenda leke:
2Phen e israelenge te na bristardon te anen mange ando vreme marrno ta ofrende phabarde kai khanden sukar mange ande slave bare.
3Ta phen lenge kai gala ofrende phabarde morabi te cheren len suako llive ande mo liubao dui bakre iekhe burseke te na aven nasuale. 4Iek ka delpe kurbano thiarinako rano a ogua pasa racha. 5E ofrende katar septelie ka aven dui kile katar e mai lachi arina cherdi iekhe litroia zeitino katar e maslinka. 6Gaia saia e ofrenda phabardi kai dena suako llive kai o burdo katar o Sinai, sargo ofrenda phabardi kai khandel sukar e Devleke. 7E ofrenda katar e mol ka avel iek litro pe suako bakro. Gaia mol morabi te chordol ando santuario, ando liubao e Devleko. 8O duito bakro ka den le kurbano pasa racha ta ka den gale bakrea iek ofrenda katar e septelie ta iek ofrenda moliaki sargo e ofrenda kai die thiarinako rano. Gaia si iek ofrenda phabardi kai kandel sukar e Devleke.
E ofrende katar o sabado
9Ande sabadura tumen morabi te den dui bakre iekhe bursenge, te na aven nasuale ta star kile katar e mai lachi arina cherdi zeitinoia sargo ofrenda katar e septelie, pe ofrendaia pimaki. 10Gava si o kurbano phabardo suakone sabadoke, pe ofrendaia moliaki ta i o kurbano kai delpe suako llive.#Lv 1.3.
E ofrende katar suako chon
11O purvo llive katar suako chon ka den kurbano e Devle dui telchura iek busno ta efta bakre iekhe burseke te na aven nasuale. 12Pe suako telcho ka den sov kile katar e mai lachi arina cherdi zeitinoia. Pe suako busno, star kile arina cherdi zeitinoia, 13ta pe suako bakro, dui kile arina cherdi zeitinoia. Gava si iek kurbano phabardo kai khandel sukar e Devleke. 14E ofrenda katar e mol ka avel duie litroia pe suako telcho iek litro ta dopas pe suako busno, ta iek litro pe suako bakro. Gava si o kurbano phabardo kai morabi te den suako chon pe sa e chona e burseke. 15Ta katar o kurbano phabardo kai del pe suako llive morabi te den i iek busno kurbano pala o bilachipe, e ofrendaia pimaki.
E ofrende ande paskua
Lv 23.5-8
16O llive desustar katar purvo chon katar o burs ka cheren e slava katar e paskua ando liubao e Devleko,#Ek 12.1-13; Nm 9.1-3; Dt 16.1-2. 17ta o llive desupanch ka avel o llive katar e slava. Ande efta llive ka jan o marrno kai ande lete inai levadura.#Ek 12.14-20; 23.15; 34.18; Dt 16.3-8. 18Ando purvo llive katar gola llivesa ka avel iek santo chidinipe. Ande gua llive tumen ni ka cheren ni iek rado. 19Ta o kurbano phabardo kai ka den e Devle ka avel dui telchura, iek busno ta efta bakre iekhe burseke te na aven nasuale. 20Gale kurbanenchar ka den i iek ofrenda katar e arina cherdi e zeitinoia gia ka cheren le: sov kile arina pe suako telcho star kile arina pe suako busno 21ta dui kile pe suako bakro. 22Ta i ka den iek busno kurbano te sai len o prostipe katar tumaro bilachipe. 23Sa gava ka den le ta i o kurbano phabardo kai deolpe suako llive thiarinako rano. 24Gia ka cheren le pe suako llive katar e slava, sargo ofrenda phabardi kai khandel sukar e Devleke. Gava morabi te delpe e ofrendaia e moliaki. 25O eftato llive ka avel tumen iek santo chidinipe. Ande gua llive ni ka cheren ni iek rado.
E o frenda katar e purve septelie
Lv 23.9-22
26Ande slava katar e purve septelie, kana den e septelie katar iek nevo chidinipe katar so del e phuv, ande slava tumare llivesenge, ka avel tumen iek santo chidinipe. Ande gua llive ni ka cheren ni iek rado. 27Ka den kurbano phabardo kai khandel sukar e devleke, dui telchura, iek busno ta efta bakre iekhe burseke. 28Ta e ofrenda katar e arina cherdi zeitinoia ka avel sove kilenge pe suako telcho ta star kile po busno 29ta dui kile pe suako bakro. 30Ta i kaden iek busno kurbano te sai len o prostipe katar po bilachipe. 31Gava kurbano phabardo ta leke o frende katar e septelie ta e moiliake ka den le.
Currently Selected:
Numeros 28: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
