Numeros 27
27
E chorra katar o Selofejad
1Ande vicha katar o Manases sea panch phiorra, kai ikhardona Majla, Noa, Jogla, Milka ta e Tirsa. Von sea chorra katar o Selofjad 2Gala panch phiorra llele kai o udar katar e chara kai chidiniaon te sai den orba e Moisesea ta e Eleazarea ta e birovenchar katar o foro ta e foroia ta phende: 3amaro dad mulo po pusto a vou ni saia katar e llene katar o Kore kai vazdinaile po Del. Vou mulo isto katar po bilachipe ta ni avilale chaurre murus. 4A inai sukar o anav amare dadeko te jasaol katar pi familia samo soke ni saia le iek chaurro murus. De amen iek kotor phuv maskar e phlal amare dadeke.
5O Moises anda angla o Del gaia orba katar gala diskinie, 6ta o Del phenda:
7Sukar phenen e chorra katar o Zelofejad:#Nm 36.2; Jos 17.3-4.
Chinav lenge iek kotor phuv maskar e phlal lenge dadeke ta so pherela lenge dade te den len lenge. 8Ta phen e israelenge kai vareko te merela ta te na avela le chaurro murus so si le ka avel leke chorrake, 9A te na avela le chorri, ka mukel so si le pe phlalenge. 10A te na avela le phlal, ka mukel so si le kai e phlalen pe dadeke. 11A te avilape kai lako dad ni avila le phlal, ka mukel so si le pe familiake kai si mai pase ratea. Gava ka avel iek zakono e israelenge, gia sar me phendem chuke te chere.
O Josue achel po than katar o Moises
Dt 31.1-8
12O Del phanda e Moiseseke:
Like pe gava burdo kai ikhardo Abarin ta dik e phuv kai diem e israelen.
13Ta kana ka dikhe goia phuv ka mere ta ka ave chidino che foroia, 14soke tumen dui ni kandiem man so phendem tumenge po pusto katar o Sin kana o forovazdinailo pe mande ta ni blagosisarden man angla o foro kana von mangle mandar pai. Gala paia katar e Meriba si ande Kades, po pusto katar o Sin.
15Ondaka o Moises phenda e Devleke:
16Devla ta Gazda po duo kai zivil ande suako manus thov upral pe gava foro iekhe llene 17te llal angla lende ta de ta te del angla lende ta te inllarel len pe suako rig, gia te na aven sargo bakre kai inai len chobano.
18A o Del phenda e Moiseseke:
Josue chaurro katar o Nun, si iek lleno duoko. Le le ta thov che va pe leko soro.
19Mapalal ka ane le kai o popo Eleazar ta angla sa o foro ta ka dele gava rado angla lende. 20Ta ka thove le tuia te gazdaril gia te sai kandel le sa o Israel. 21A o Josue morabi te avel angla o popo Eleazar ta o e leasar ka puchel man ando anav e josueko ta ka phenav so si te cheren katar o Orim. O Josue ka phenel e israelenge sa so si te cheren.#Ek 28.30.
22O Moises cherda sa so o Del phenda leke te cherel. Lia e Josue ta anda le kai o popo Eleazar ta angla sa o foro. 23Thoda pe va pe leko soro ta dia gava rado, gia sar o Del phendaia e Moiseseke te cherel.
Currently Selected:
Numeros 27: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
