Numeros 26
26
O llindipe katar o foro ando Moab
1Mapalal katar goia muka kai mundarela, o Del phenda e Moiseseke ta e Eleazareke, chaurro katar o popo Aaron:
2Llinen e llenen prema pe familie, sa e israelite kai si lenge bis burs upre, kai sai llan te marenpe.
3Ondaka o Moises ta o Eleazar phende e israelenge ande umal katar o Moab pasa o pai katar o Jordan, angla o Jeriko, 4te llindon sa e llene kai si lenge bis burs upre, gia sar o Del phendaia e Moiseseke te cherel.
Gala sea e israelita kai likistea katar o Ejipto:
5E chaurre katar o Ruben, o chaurro mai purano katar o Israel, sea katar o Enok, o Falu, 6o Esron ta o Karmi. 7Prema o llindipe katar e familia katar o Ruben sea trin milie ta efta stotine ta tranda llene. 8Katar o Falu biandilo o eliab, 9ta katar o eliab biandile o Nemuel, o Datan ta o Abiram. O Datan ta o Abiram sea gola katar e llene kai chinena kris, ta e Korea vazdinaile po Moises ta po Aron kana vazdinaile po Del. 10Kana e phuv putaili ta nakhada len ta e Kore, kana gola llene mule, kana e iag mundarda dui stotine ta pinda llenen gava avilape te sai sikon ogola llene. 11A e chaurre katar o Kore ni mule.
12E familie katar o Simeon sea gala o Nemuel, o Jamin o Jakin, 13o Zera ta o Esau. 14Prema o llindipe katar e familia katar o Simeon sea bis ta dui milie ta dui stotine llene.
15E familie katar o Gad sea katar o Sefon o agi, o Suni 16o Ozni, o Eri, 17o Arod ta o Areli. 18Prema o llindipe e familie katar o Gad sea saranda milie ta panch stotine llene.
19Katar e chaurre katar o Juda, mule o Er ta o Onan ande phuv katar o Kanaan, 20goleke e falie katar o Juda sea katar o Sela, o Fares ta o Zera. 21E familie katar o Fares sea katar o Esron ta o Amul. 22Prema o llindipe e familie katar o Juda sea eftavardes ta sov milie ta panch stotine llene.
23E familie katar o Isakar sea katar o Tola, o Puva 24o Jasub ta o Simron. 25Prema o llindipe e familie katar o Isakar sea sovardes ta star milie ta trin stotine llene.
26E familie katar o Zabulon sea katar o Sered, o Elon ta o Jajleel. 27Prema o llindipe e familie katar o Zabulon sea sovardes ta panch stotine llene.
28E familie katar o Jose sea katar e viche katar o Manases ta o Efrain. 29Katar o Manases e familie katar o Makir. Katar o Makir, e familie katar o Galaad. 30Katar o Galaad e familie katar o Leser, ta o Jelek, 31katar o Asriel katar o Sikem, 32katar o Semida ta katar o Jefer. 33O Selofad, kai saia chaurro katar o Jefer, ni saia le chaurre samo chora, kai ikhardona Majla, Noa, Jogla, Milka ta Tirsa. 34Prema o llindipe e familie katar o Manases sea pinda ta dui milie ta efta stotine llene. 35E familie katar o Efrain sea katar o sutelaj, o Beker ta o Tajan. 36O porodo katar o Sutela sea katar e familia katar o Eran. 37Prema o llindipe e familie katar o Efrain sea tranda ta dui milie ta panch stotine llene. Gava si o porodo e Joseko prema e familie.
38E chaurre katar o Benjamin ta leke familie sea:
O Bela, o Asbel, o Ajiram, 39o Sufam ta o Jufam. 40E familie katar e chaurre katar o Bela sea katar o Ar ta o Naaman, chaurre katar o Bela. 41Gala si e chaurre katar o Benjamin prema pe familie ta sea saranda ta panch milie ta sov stotine llene.
42E chaurre katar o Dan sea katar e familia katar o Sujam. 43Prema o llindipe e familie katar o sujam sea sovardes ta star milie ta star stotine llene.
44E chaurre katar o Aser katar pe familie sea o ima, o Isvi ta o Beria. 45E chaurre katar o Beria sea o Jeber ta o Malkiel. 46O aser saiale iek chorri, kai ikhardala Seraj. 47Prema o llindipe e falie katar o Aser sea pinda ta trin milie ta star stotine llene.
48E chaurre katar o Neftali sea o Jajeel, o Guni, 49o Jezer ta o Silem. 50Prema o llindipe e familie katar o Neftali sea saranda ta panch milie ta star stotine llene.
51Sa israelita kai sea llinde po llindipe sea sov stotine ta milia ta efta stotine ta tranda llene.
O Zakono sar te fulaven e phuv
52O del dia orba e Moisesea ta phenda leke:
53Maskar gala llene ka avel fuladi e phuv, prema e llene kai sea llinde. 54Gola kai si mai but ka de len mai but phuv. A e gola kai si mai cherra llene ka delen mai cherra phuv. A suako llenen ka del pe e phuv prema o llindipe. 55O fuladipe e phuviako ka cherdol pe ka perela suako lleno ka perel le prema katar savi vicha si katar e rig pe dadiki. 56Ka fuladol pe ka pherela maskar gola kai si mai but o maskar gola kai si mai cherra.
O llindipe katar e vicha katar e Levita
57E familie llinde katar e vicha katar e levita si gala:
O Gerson, o Kejaar ta o Merari. 58E familia katar o libnita, o jebronita, o majlita, o musita ta e koreita, sea familie katar e levita.
O Kejad saia o dad katar o Amram. 59O Amram zinisailo iekhe chorraia katar o Levi kai ikhardola Kojabed, kai biandili kana o Levi saia ando Ejipto. O Amram ta e Jokabed sea e dada katar o Aaron o Moises ta katar e Maeia. 60E chaurre katar o Aaron sea o Nadab o Abiu o eleasar ta e Itamar 61Nadab ta o Abiu mule kana die angla o Del iek iag kai inai pinllardi.#Lv 10.1-2; Nm 3.4.
62Sa e llene kai sea llinde katar e levitura, katar iek chon upre sea bista trin milie. Von ni sea llinde ogole israellenchar soke len ni diea ni iek phuv.#Nm 18.20-23.
63Gala si e israelita kai sea llinde katar o Moises ta katar o popo Eleazar ande umalia katar o Moab, pasa o Jordan angla o Jeriko. 64Maskar sa gala llene ni iek ni saia katar gola kai o Moises ta o Aaron llindea po pusto katar o Sinai, 65Soke o Del phendaia lenge kai ka meren po pusto ta ni achila ni iek lleno lendar samo o Kaleb chaurro katar o Jefone ta o Josue chaurro katar o Num.
Currently Selected:
Numeros 26: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
