Numeros 25
25
E israelita blagosin o el kai ikhardol Baal Peor
1Kana e israelita besena ando Sitin, o foro thoda te kurvilpe e diskinienchar katar o Moab, 2ta gola diskinie ikharena e foro kana dena kurbanura pe devlen. Ta o foro jala katar gua jape ta die changa angla lenge dela. 3Ta sar von llana kai gua del kai ikhardol Baal Peor. Ondaka o Del jolailo e israelenchar, 4ta phenda e Moiseseke:
Chide sa e biroven katar o foro, ta mundar len angla ma ollivesea. Gia ka achel mi joli kai siman po Israel.
5Ondaka o Moises phenda e llenenge kai krisin po Israel:
Suako lleno tumendar morabi te mundarel e llenen katar e vicha kai llele te blasin e dele kai ikhardol Baalpeor.
6A iek israelita inllarda peke iekhe diskinia madianita, angla e akha e Moiseseke ta sa e foroke kana sea chidine, kana saurre rovena kai o udar katar e chara kai chidiniaon. 7Kana dikhla gava, o Finiees, chaurro katar o Eleazar unuko katar o Aaron, ustilo maskar e israelita ta lia iek jarni ande po va 8ta llelotar pala gua israelita llik kai leki chara ta kote nakhada o jarni ande dui ando israelita ta ande lluvli. Ta gia si sar achila e muka kai mundarela e israelen. 9Ta katar goia muka mulea bis ta star milie israelita.
10Ondaka o Del dia orba e Moisesea ta phenda leke:
11O Finees cherda te phagol mi joli pe israelitura, soke i vou ni mukel te blagosin avere delen goleke ni zatrisardem len, 12goleke phen lenge kai me achav lea pe iek orba kai si katar e pas, 13goleke me dav le ta leke porodo te aven popura ostade, soke sikada kai volil man ta lia o prostipe e israelenge.
14O anav katar israelita kai mundarde le diskiniaia Madianita saia o Simri ta saia chaurro katar o Salu birovi katar e familia katar e vicha katar o Simeon. 15O anav katar diskinia Madianita saia Kosbi ta saia chorri katar o Sur, birovi katar nesave familie katar o Madian.
16O Del dia orba e Moisesea ta phenda leke:
17Marentumen ta zatrin gole llenen kai si katar e Madianita, 18gia sar von mardepe tumenchar bilachamaia ta cherde te blagosin e devle kai ikhardo Baal Peor ta sar e Kosbi chorri katar o birovi katar e Madianita kai saia mundardi iekhe jarniea kana me bichaldem iek muka soke blagosina e devle kai ikhardol Baal Peor.
Currently Selected:
Numeros 25: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
