Numeros 24
24
1A sar o Baalam dikhla kai e Devleke avila leke drago te blagosil e Israele, vou ni llelo te lel e profesia katar o Del gia sar cherdaia le ogola droma ta dikhla po pusto. 2Ta kana dikhla o Balaam e israele ta lenke chare inzarde, o duo e Devleko gazdarisarda pe lete. 3Ondaka o Balaam phenda gaia profesia:
Poroka katar o Balaam chaurro katar o Beor,
o manus kai leke akha si putarde.
4Phenda gua kai asunda e alava e Devleke
gua kai sikadila leke o Del o baro
peradino a e akhenchar putarde.
5¡Jakob, gia sukar si che chare!
¡Gia sukar si Israel cho pero!
6dikhon sargo palmere,
sargo vostanura pasa o pai,
sargo aloes thode ande phuv e Devletar,
¡sargo sedros pasa o pai!
7O Israel ka avel le but pai
te pien ta te thoven pe pe vostanura.
Lengo charo ka gazdaril pe sa o Agag.
Leki zor ka avel but bari.
8O Del ikanda len katar o Ejipto.
Si le e zor katar o bufalo.
O Israel ka zatril e phuvien kai si leke dusmanura.
Ka phagel lenge kokala,
ta ka rranil len pe llidenchar.
9Kana thovelpe tele sargo iek liono,#Jen 49.9.
niko ni tromal te llungavel le.
¡Blagosime te avel ko blagosil tut
ta proketo ko dela tut armaia!
E poroka katar o Balaam
10Kana asunda gala orbe, o Balak but jolailo e Balaameea ta marda pe vastenchar ta phenda:
Me ikhardem tut te de armaia me dusmanen a tu blagosisardan len trin droma.
11¡Akana nas kai cho cher! me diem tut mo alav kai ka dav tut baro liubao. A o Del ni mukla tut te avel tut gaia ezgoda.
12A o Balaam phenda leke:
Me phendem e llenenge kai bichaldan.
13Kai i te dena man sa o sunakai ta o rup kai resen ande cho cher, me samo sai phenav so o Del phenel mange te phenav ta nasti cherav o lachi ni o bilachipe pala mi volia, ta kai samo ka phenav so o Del phenela mange te phenav. 14Sar dikhen akana me llautar kai mo foro, a mai anglal te llautar me ka phenav chuke so ka cherel mai angle gava foro che foroia.
15Ondaka o Balaam phenda gaia profesia:
E poroka katar o Balaam, chaurro katar o Beor,
o manus katar e akha putarde.
16Gua kai asunel e Devleke alava
ta kai llanel o bizaipe e Devleko,
gua kai dikhel so sikavel leke o Del o baro.
Peradino e leke akha putarde:
17dikhav vareso ando vreme mai angle dikhav le dur:
voi si iek cherain kai likel katar o Jakob,
iek charo ka vazdiniaol ando Israel.
Ka rranil o soro katar o Moab,
ta ka zatril sa e chaurren katar o Set.
18Ka dobil e phuv katar o Edom,
ta i o Seir kai si leko dusmano.
O Israel ka cherel bare ezgode.
19Katar o Jakob ka likel iek kai ka gazdaril
ta ka zatril so achela katar o foro.
20Mapalal dikla karing o foro o Amalek ta phenda gaia profesia:
Amalek si e phuv glamni,
a ka avel sa zatrime.
21Ta i dikhla karing e kenitura ta phenda gaia profesia:
Porodo katar o Kain:
i te avena zurale tumare chera,
thov cho kuibo ande pechina.
22Soke e kenitura ka aven tradine
kana e Asiriura ka inllaren tumen phangle.
23Mapalal phenda gaia profesia:
¡Ioi! ¿Ko ka zivil
kana o Del ka cherel gala ezgode?
24Aven llimie bare katar e more katar o Chipre ta ka muken zatrime e phuv katar e Siria ta i e phuv katar o Eber,
soke i o Eber, ka avel zatrime.
25Ondaka o Balaam llelotar kai po cher ta i o Balak llelotar pe po drom.
Currently Selected:
Numeros 24: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
