Nejemias 1
1
O Nejemias molilpe pala po foro
1Me o Nejemias, chavo katar o Jakalias. Ande llivesa kana cherela bis burs kai gazdarila o Artajerjes, ando chon Kisleu, kana sema ando foro Susa 2avilo mo phlal o Janani iekhe llenenchar katar o Juda, ta puchlem len katar o Jerusalem ta katar e judiura kai naslea ta kai ni inllardea len phange ande Babilonia. 3A von phende mange:
Gola kai achile ando Jerusalem, zivin ande nuzda ta ando baro lallao. O zido katar o Jerusalem si phago pe suako rig, ta leke udara si sa phabarde.
4Kana asundem so phende, beslem ta thodem te rovav, ta nesave llivesa sema zalosno, ta cherava alluno ta moliva man e Devleke kai si ando miloso. 5Ta phendem leke:
Devla, Del e milosoko, Del baro ta baro kai dara tutar, kai ni phage cho alav ta san chacho ta si chuke zalba katar e llene kai volin tut ta cheren so phenen che zakonura, 6moliv man chuke akana te thove sama che slugake, kai ollivesea ta orachaia moliv man pala che sluge e israelitura. Llanav kai amen e israelitura cherdam chuke o bilachipe, ¡Llik mi familia ta i me cherdam chuke o bilachipe! 7Amen chardam o bilachipe, ni cherdam so phendan amenge, ni kandiam che zakonura ni che krisa kai dian te sikavel amenge cho sluga o Moises. 8De tut golli so phendan e Moiseseke kai te cherdam o bilachipe, tu ka rispi amen pe sa o sueto,#Lv 26.33; Dt 28.64. 9ta kai te irisailam tute, ta te kandaia so phenen che zakonura, ta te cheraia so phenen, i te avaia rispime pe suako rig katar o sueto, tu ka ane amen pale kai o than santo kai esvirisardan te avel kote blagosime cho anav.#Dt 30.1-5.
10Amen sam che sluge ta cho foro kai braduisardan bare zoriaia.#Dt 9.29. 11Moliv man chuke, Devla, te thove sama so mangav tutar ta sar molinpe chuke che sluge, kai mangen samo te blagosin tut. Ta i mangav tutar te llal mange sukar ta te avav drago e charoke. Ande gola llivesa me radiva pe leki sinia.
Currently Selected:
Nejemias 1: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
