Esdras 10
10
Traden e diskinien kai si katar aver phuvia
1Kana o Esdras saia angla o cher e Devleko, ta rovindo molilape changenchar ta phenela o bilachipe e foroko, avile lete but israelitura, murusa, diskinie ta minone kai rovena bare zalbaia. 2Ondaka o Sekanias, chavo katar o Jejiel ta porodo katar o Elam, phenda e Esdraseke:
Amen ni avilam chache amare Devlea, soke zinisailam e diskinienchar kai inai katar amare viche, ta kai ni pachan ando Del, a si iek ezgoda kai sai aduricharel o Israel. 3Ka da amaro alav te trada sa e diskinien ta lenge minonen, te sai cherdol so phenel o zakono, gia sar phene amenge tu ta sa e llene kai kanden so phenel o zakono. 4Uste, soke chiro rado si te chere gala ezgode, ta amen ka pomozi tut. De tut zor, ta aide te radi.
5Ondaka o Esdras ustilo pe porrne ta cherda te den po alav sa e gazda katar e popura ta katar e levitura ta sa e israelitura, ta jale sovel kai ka cheren so phende. 6Mapalal o Esdras llelotar katar o cher e Devleko ta llelo kai e soba katar o Jojanan, chavo katar o Eliasib, ta kote sovto, a ni jala ta ni pila niso soke saia but tristome pala e llene kai sea phangle ta irisailea.
7Mapalal phende te ikharen katar o Juda ta katar o Jerusalem sa e llenen kai biandile ande Babilonia, te chidiniaon ando Jerusalem. 8Kogo ni avela ande trin llive, gia sar phende le e gazda ta e phure, ka len lendar sa so si len ta ka traden len katar o pero e llenengo kai sea phangle ta irisaile. 9Goleke, sa e llene katar o Juda ta katar o Benjamin chidiniaile ando Jerusalem ando llive bis katar o chon inia, gua si ande trin llive. Saurre besle pe plasa katar o cher e Devleko, izdrana daratar pala goia ezgoda ta pala o bursin kai perela. 10Ondaka o popo o Esdras ustilo pe porrne ta phenda lenge:
Tumen cherden o bilachipe kana zinisailen e diskinienchar kai inai katar amare viche, ta golea cherden te avel mai bari e dos katar o Israel. 11Goleke, akana blagosin e Del katar tumare purane, phenen kai sen dosale ta cheren so phenel o Del. Durion katar gola llene kai ni pachan ando Del ta katar gola diskinie kai inai katar amare viche.
12Ta sa e llene phende bare avazea:
Ea, ka chera so tu phene amenge. 13A sar sam but llene ta o bursin ni achel, nasti acha kate avri sa e llene, ta gaia orba nasti lachardol ande iek o dui llive, soke sam but e llene kai cherdam gava bilachipe. 14Avela mai sukar te achen kate amare gazda cheres amende, ta e llene kai zivin ande amere forura kai zinisaile e diskinienchar kai inai katar amare viche, te thova aver llive gale ezgodake ta te aven lenchar lenge phure ta e krisaria katar lengo foro lligo ni ka lelpe e bari joli e Devleki kai si pe amende pala gaia ezgoda.
15Samo o Jonatan, chavo katar o Asael, ta o Jajazias, chavo katar o Tikva ni kamle te kanden gaia orba ta pomozisarde len o Mesulam ta o Sabetai kai saia levita. 16A e llene kaisea phangle ta irisailea, cherde prema e orba kai die. Ta chenade e popo e Esdrase te e llenen kai sea gazda katar suako familia te pomozin le, ta sa e llenen ikharde len pe lengo anav ta besle te chinen e kris ando purvo llive katar o desto chon. 17Ta ando purvo llive katar o purvo chon getosarde e kris katar e llene kai zinisaile e diskinienchar kai ni sea katar lenge viche.
18E popura kai sea zinime e diskinienchar kai ni sea katar lenge viche, sea:
Katar o porodo e Jesuaeko, chavo katar o Josadak, ta katar leki familia:
O Maaseias, o Eliezer, o Jarib ta o Gedalias. 19Ta die po alav kai ka traden pe diskinien, ta die e Devle iek bakro singenchar katar pi stoka pala po bilachipe.
20Katar o porodo e Emireko:
O Janani ta o Zebadias.
21Katar o porodo e Jarimeko:
O Maaseias, o Elias, o Semaias, o Jejiel ta o Uzias.
22Katar o porodo e Pasureko:
O Elioenai, o Maasias, o Ismael, o Natanael, o Jozabad, ta o Elasa.
23Katar o porodo e levitengo:
O Jozabad, o Simei, o Kelaias kai si Kelita, o Petajias, o Juda ta o Eliezer.
24Katar e llene kai llilaben:
O Eliasib.
Katar e llene kai arakhen e udara:
O Salum, o Telem ta o Uri.
25Ogola israelitura kai sea isto ande goia orba sea:
Katar o porodo e Paroseko:
O Ramias, o Jezias, o Malkias, o Mijamin, o Eleazar, o Malkias ta o Benaias.
26Katar o porodo e Elameko:
O Matanias, o Zakarias, o Jejiel, o Abdi, o Jeremot ta o Elias.
27Katar o porodo e Zatueko:
O Elioenai, o Eliasib, o Matanias, o Jeremot, o Zabad ta o Aziza.
28Katar o porodo e Bebaieko:
O Jojanan, o Jananias, o Zabai ta o Atlai.
29Katar o porodo e Banieko:
O Mesulam, o Maluk, o Adaias, o Jasub, o Seal ta o Ramot.
30Katar o porodo katar o Pajat Moab:
O Adna, o Kelal, o Benaia, o Maasias, o Matanias, o Bezalel, o Binui ta o Manases.
31Katar o porodo e Jarimeko:
O Eliezer, o Isias, o Malkias, o Semaias, o Simeon, 32o Benjamin, o Maluk ta o Semarias.
33Katar o porodo e Jasumeko:
O Matenai, o Matata, o Zabad, o Elifelet, o Jeremai, o Manases ta o Simei.
34Katar o porodo e Banieko:
O Madai, o Amram, o Uel, 35o Benaia, o Bedias, o Keluu, 36o Vanias, o Meremot, o Eliasib, 37o Matanias, o Matenai, o Jaasai.
38O Bani, o Binui, o Simei, 39o Selemias, o Natan, o Adaias, 40o Maknadebai, o Sasai, o Sarai, 41o Azareel, o Selemias, o Semarias, 42o Salum, o Amarias ta o Jose.
43Katar o porodo e Neboeko:
O Jejiel, o Matatias, o Zabad, o Zebina, o Jadau, o Joel ta o Benaias.
44Sa gala llene zinisailea diskinienchar kai ni sea katar lenge viche ta avila len minone.
Currently Selected:
Esdras 10: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
