Lamentasiones 3
3
Aduricharen te braduil len o Del
1Me sem o lleno kai nakhla e patnia
man chalada e joli e Devleki.
2Inllarda man ando truniariko,
inllarda man pe droma kai inai villelo.#Job 19.8.
3Irilpe mande suako llive
ta dukhavel man pe vastea.#Job 7.16-19; Sal 88.7,15-16.
4Cherda te phuriol mo mas ta mi mozga,
phagla me kokala,#Job 7.5; 30.30.
5Vazdia iek zido pe mande
thoda truial mandar e zalba ta e patnia,
6mukla man ando truniariko
sargo gola kai mule ollikana.#Sal 88.5-6; 143.3.
7Phangla man katar suako rig,
cherda te pharion me lanchura.#Job 3.23; 19.8.
8I kana moliva man ta urkiva,
phangla pe kan ta ni thoda mange sama,#Job 30.20.
9phangla mo drom ande zidura barrustune.
Bangarda me droma.
10Vou saia mange sargo iek melledo kai prezol,
sargo iek liono kai aduricharel gurudino.
11Bangarda me droma ta sa chinda man,
mukla man zatrime.#Job 10.16; 16.9.
12¡Chapenisarda po arko ta thoda man
te sai chudel ande mande pe llide!
13O Del chudia pe llide#Job 16.12-13.
ta die andre ande mo lli.
14Sa mo foro marel mandar espurnia,
maren mandar espurnia sorro llive.#Dt 28.37; Job 30.9; Sal 69.10-12; Jer 20.7.
15Pherda man cherkipe,
cherko si o pipe kai dia man.#Job 9.18.
16Dia man ande phuv ta phagla me danda,
cherda te jav o prajo,
17ta mo lio durilo katar e pas
bristrailem katar o lachipe,
18ta phendem: Jasardem e zor,
jasardem so aduricharava katar o Del.#Job 17.15-16; 19.9-10; 30.19.
19De tut golli katar mi duk ta kai sem korkorre,
katar mi zalba ta o cherkipe kai nakhav.
20Misliuman ande gala ezgode
ta jasarav sa mi zor,
21a iek ezgoda mangav te misliu man
ta te avel so aduricharav:
22Pala e Devleki zalba ni avilam mundarde,
soke leki zalba pe amende inai la son,
23Suako llive nevardol.
¡Gia chacho si o Del!#Ek 34.6-7; Sal 136.
24Ta phendem ande mo lio:
¡O Del si mange sa
goleke uzdiu man ande lete!#Sal 16.5; 119.57.
25O Del si lacho golenchar kai uzdinpe ande lete,
golenchar kai roden le.#Is 30.18.
26Mai sukar si te na da orba ta te adurichara
te braduil amen o Del.
27Sukar si te inllaraldol o pharipe
sar kana o manus si terno.
28Te besel korkorre ta te na del orba
soke o Del thoda leke goia ezgoda.
29Trubul te thovel po mui pe phuv
te avela le so aduricharel.
30Morabi te thovel po cham goleke kai dukhavel le,
ta te mukel te kusen le zurale.#Mt 5.39.
31Soke o Del ni ka mukel amen
ostade.
32Vou dukhavel, ta i si leke zalba
soke leko volipe si baro.
33Leke inai drago te tristol e manusen
ni te dukhavel len.#Sal 30.5; Is 54.7-8; 60.10.
34Te ustaven tala pe porrne
sa e llenen kai si phangle,
35te nakhen upral pe so trubul e manuse
angla o Del,
36te bangaren o chachipe katar iek kris,
gola ezgode inai drago e Devleke.
37¿Ko sai phenel kai nakhla iek ezgoda
kai o Del ni phenda te cherdol?
38¿Ni likel katar mui katar o Del e milosoko
o lachipe ta i o bilachipe?#Job 2.10; Is 45.7.
39¿Soke tristolpe o manus kai zivil pe phuv?
O manus si te tristolpe pala po bilachipe.
40Dikha pe ezgode kai chera, roda
ta iri amen kai o Del.
41Vazda karing o Del e milosoko
amaro lio ta amare va.
42Amen sam bilache ta ni kandiam,
ta tu ni prostisardan amen.#Is 55.7.
43Barili chi joli ta llelan pala amende,
lian amaro zivoto ta ni prostisardan.
44Thodan truial tutar oblakura
te na resel tute amaro molipe.
45Amen sama chuke iek gadope
maskar o sueto.
46Sa amare dusmanura
die amare orbe,
47e dar, o kojaipe, e zatrania ta o phagipe,
¡gua si amaro chari!
48Me ausa peren sargo iek bari len
pala e zatrania katar e chei me foroki.
49Peren me ausa ta ni achen
soke ni achel e duk
50lligo ni ka dikhel pe amende
o Del katar o miloso.
51Dukhan man me akha ta mo lio,
pala sa e chea katar mo foro.#Jer 9.1; Lm 2.11.
52Bi te avel len soke,
me dusmanura istarde man sargo iek chirikli,
53chudie man llundo ande iek bunari
ta ucharde le iekhe barrea.
54O pai ucharda man llik kai mo soro
ta phenava me mange:
¡Kate ka merav!#Jon 2.3-6.
55Devla, me ikhardem tut
chak andral katar o phandipe,
56Asundan mo avazi,
¡na phande che kan pe mo roipe!#Sal 130.1-2.
57Avilan gua llive kai ikhardem tut
ta phendan mange:
Na dara.
58Devla, tu arakhe man pe mo zivoto
tu braduisardan mo zivoto.
59Tu Devla hiklhan sar dukhade man,
¡cher mange o chachipe!
60Tu dikhlan sar murzin pe mande,
ta sar mislinpe te zatrin man.
61Asundan sar kusen man
ta sa e ezgode bilache kai mangen te cheren mange,
62e alava kai phenen me dusmanura
ta e orbe kai den mandar suako llive.
63Dik Devla kai sorro llive
maren mandar espurnia.
64Devla, pochin lenge,
pochin lenge prema so cheren.
65Zuriar lenge mislura,
ta thov pe lende che armaia.
66Devla, lla pala lende jolinaia
ta zatrisar len pe gava zivoto.
Currently Selected:
Lamentasiones 3: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
