Lamentasiones 4
4
E zatrania katar o Jerusalem
1¡Gia kalilo o sunakai!
¡Ni klichil o lacho sunakai!
¡E barra katar o cher e Devleko
si rispime kote kai maladon e droma!
2E chave katar o Sion, glamne ta lache
kai mola len mai but neko o sunakai,
¡akana si sargo piria chikake
kai cherel len iek lleno kai radil e chik!
3Llik e lluklia dive den o kolin
pe lluklorren te pien o thud,
a e chei katar mo foro si gia bilachi
sargo e avestrus katar o pusto.
4Gachin si e trus katar e minone
kai lengi chib lipilpe pe lengo taloi.
E minone mangen marrno,
ta ni saia ko te del len.
5Gola kai jana o mai lacho jape,#2 R 25.3; Jer 52.6.
akana meren bokhatar po drom
gola kai barile ando mai baro lachipe
akana zivin maskar o llubri.
6Soke o bilachipe katar e chei me foroki
si mai baro neko o bilachipe katar e Sodoma,
kai avili zatrime oma
bi te marelpe laia niko.#Jen 19.24.
7Lake murusa sea mai chiste neko o iv,
mai parrne neko o thud,
lenge esnage sea mai lole neko o koral,
dikhona sukar sargo o safiro.
8A akana, kalile sargo e riat,
niko nasti pinllarel len pe droma.
Lengi morchi lipilpe pe lenge kokala,
sargo kasta suke.
9Mai preche saia golenge kai mule po jarni,
neko gola kai mule bokhatar,
soke gala mule sa poloke
soke ni saia len e septelie kai del e phuv.
10Isto pe vastenchar
e diskinie postene chirade pe minonen,
isto lenge minone sea o jape
kana zatrisaili e chei katar mo foro.#Dt 28.56-57; Lm 2.20; Ez 5.10.
11Cherda prema pi joli o Del,
chudia sa e iag katar pi joli,
phabarda e iag ando Sion
ta zatrisarda llik e barra kai si telal katar e zidura.
12Nikada ni mislisaile e charura
ni sa e llene kai zivin pe phuv,
kai amare dusmanura
ka den katar e udara katar o Jerusalem.
13¡Ta sa pala o bilachipe katar lenge poraukura,
ta pala o bilachipe katar lenge popura,
kai isto andre ando foro
mundarde e llenen kai sea chache!
14Phirena daraia sargo korre
pe droma katar o foro,
achile melale pala o rat
ta nasti dodina pe fistanura.
15Kaigo llana urkina pe lende:
¡Len tumen! ¡Melale sen!
¡Von si llene melale, na dodin len!
Von nasen pe droma, ta e phuvia phenena:
Nasti ka zivin ios kate.#Nm 19.11-16.
16Angla o e joli e Devleki sa rispisaile,
ta ni dikhla ios pe lende.
Ni avila len ios liubao e poponenchar
ni zalba e katar e phure.
17Chinile amare akha kai adurichara,
samo gia adurichara te pomozin amen.
Prezosara ta adurichara
te avel iek foro kai nasti braduil amen.#Jer 37.5-10.
18Suako drom kai phira dikhen pe amende,
nasti lika ni po drom.
Avilo amaro son, avilo amaro vreme,
¡avilo amaro son!
19Mai lokhe neko e agile kana furian
sea gola kai llana pala amende,
pe burdura llele pala amende,
¡thode amenge kojaipe po pusto!
20Phanglo achilo o esvirime e Devleko,
gua kai dela amen zor te zivi,
kai phenaia letar:
Tala leko lado ka zivi maskar e phuvia.#2 R 25.4-6; Jer 39.4-6.
21¡Asa, veselisao chei katar o Edom!
Tu kai zivi ande phuv katar o Us,
¡llik tute ka resel o taso,
ka mato ta ka chade!
22Llik kate ka avel chi duk chei katar o Sion,
o Del ni ka inllarel tut phangli katar chi phuv.
A tut, chei katar o Edom ka dukhavel tut
ta ka sikavel o bilachipe kai cherdan.#Is 40.2; Abd 1.12.
Currently Selected:
Lamentasiones 4: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
