Josue 3
3
E israelitura nakhen o Jordan
1Thiarinako rano o Josue ta sa e israelitura likiste katar o Sitim, ta avile pasa o pai katar o Jordan ta logle kote mai anglal te nakhen pe ogoia rig. 2Kana nakhle trin llive, e gazda phirde sa o pero, 3ta phende e foroke:
Kana ka dikhen kai e popura e levitura inllaren e arka katar o alav e Gazdako tumaro Del, tumen ka usten ta ka llan pala la. 4Gia ka llanen kai morabi te llan, soke niko tumendar ni nakhlo pe gava drom. Na thoven tumen pasa e arka, achen dur latar milia pole.
5Ta o Josue phenda lenge:
Suako lleno te chistolpe, soke thiara o Del ka cherel bare ezgode maskar tumende. 6Ta o Josue phenda e poponenge:
Len e arka katar o alav ta llan angla o foro. A von lie e arka katar o alav ta llele angla o foro.
7Ondaka o Del phenda e Josueke:
Katar gava llive angle ka cherav te gazdari ios mai but angla e akha katar sa o Israel, te sai llanen kai me sem tuia sar sema e Moisesea. 8Phen e poponenge kai inllaren e arka katar o alav, kai kana ka den ando pai o Jordan, te achen pasa e chib e paieki.
9Ondaka o Josue phenda e foroke katar o Israel:
Aven te asunen so phenel o Gazda tumaro Del. 10Pe gaia ezgoda ka pinllaren kai o Del o llundo si maskar tumende, vou ka cherel te nasen angla tumende e kananeura, e jeteura, e jeveura, e ferezeura, e gergeseura, e amorreura ta e jebuseura. 11E arka katar o alav, katar o Del katar sa e phuv, ka nakhel po maskaral katar o Jordan angla tumende. 12Goleke tumen ikharen desuduie murusen, iek katar suako vicha e Israeleki. 13Kana e popura kai inllaren e arka katar o Del o Gazda, kai si o Gazda pe sa e phuv, ka thoven pe porrne ando pai, e paia ka putaon pe dui kotora. Ondaka o pai katar o Jordan kai avel upral ka achel sargo zido.
14Ondaka e llene katar o foro likiste katar pe chare te nakhen o Jordan. Angla lende llana e popura kai inllarena e arka katar o alav. 15Ando vreme kana chiden e septelie o pai katar o Jordan bariol, goleke e porrne katar e popura chingile ando pai kai si pasa e phuv. 16E paia kai avena upral achile sargo zido dur katar o foro Adam kai si pasa o Saretan, ta e paia kai fuliena ande Mora e Londi sukile. Gia putailo o Jordan ta o foro nakhlo karing o Jeriko. 17A e popura kai inllarena e arka katar o alav e Devleko, achile po maskaral katar o Jordan pe phuv suki lligo ni nakhlo sa o foro.
Currently Selected:
Josue 3: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
