Josue 2
2
O Josue bichalel llenen te dikhen e phuv
1Katar o Sitim o Josue chavo katar o Nun, bichalda duie llenen te dikhen po chorial e phuv, ta phenda lenge:
Llan te dikhen e phuv ta o foro katar o Jeriko.#Ebr 11.31; Stg 2.25.
Von llele ta avile ando cher katar iek kurvichka katar o Jeriko kai ikhardola Rajab, kote nakhle e riat. 2A iek lleno phenda gia e charoke katar o Jeriko:
Nesave israelitura avile gaia riat po chorial te dikhen e phuv.
3Ondaka o charo katar o Jeriko bichalda te phenen gia e Rajabake:
Ikan avri e llenen kai avile tute, soke von avile te dikhen e phuv po chorial.
4A voi guruda len ta phenda:
De istina si kai nesave llene avile mande, a me ni llanav katar avena. 5Kana peli e riat lleletar, soke phandena o udar e foroko ta ni llanav kai llele. Te roden len isto akana sai resen len.
6A voi saia kai guruda len upral katar o cher maskar e umpe lino kai sea kote.
7Ta e llene llele te roden len pe droma katar o Jordan llik kai e thana kai e llene nakhen o pai. Kana von likiste, phangle o udar katar o foro. 8Ondaka mai anglal te soven e llene kai avilea te dikhen e phuv po chorial, e Rajab likisti upral po cher ta phenda lenge:
9Me llanav kai o Del dia tumen gaia phuv, soke cherda amen te dara but tumendar. Sa e llene e phuviake meren daratar tumendar. 10Amen llana kai kana tumen likisten katar o Ejipto, o Del sukarda o pai katar e Mora e Loli te sai tumen nakhen. Ta llana so cherden tumen e duie charonenge amorreura kai sea pe ogoia rig katar o Jordan, o Sijon ta o Og, kai tumen zatrisarden len.#Ek 14.21; Nm 21.21-35. 11Ta kana amen asundam gaia ezgoda darailam but, gachin darailam kai niko ni tromala te marelpe tumenchar, soke o Gazda tumaro Del, si isto o Del incha upre ando miloso ta kate tele pe phuv. 12Goleke mangav tumendar te jan sovel ando anav e Devleko kai ka aven postene me familiaia gia sar sema me tumenchar. Den man te dikhav iek ezgoda te pachav kai ka cheren le gia, 13ta kai ni ka mundaren me daden, me phlalen, me phiorren ta sa so si lengo, ta kai ka braduin amen katar o meripe.
14Ta von phende lake:
Te merena tumen, amen ka pochina le amare zivotoia. Samo te na phene nikake gaia ezgoda. Kana o Del ka del amen gaia phuv, ka ava postene tuia.
15Ondaka voi iekhe solea katar e penllerava cherda te fulien katar o zido e foroko, soke lako cher saia upral po zido. 16Ta phenda lenge:
Llan pe burdura te na malaven tumen. Achen kote gurudine trin llive lligo ni ka irinpe ando foro gola kai roden tumen. Mapalal llantar pe tumaro drom.
17A von phende lake:
Amen ka ava chache ta ka chera so jalam chuke sovel. 18Kana amen ka da ande phuv, phande gava solorro lolo pe penllerava kai cherdan te fulia. Chide ande cho cher che da, che dade, che phlalen ta sa e familia che dadeki. 19A te likela fiko katar cho cher amen ni ka ava dosale te merela. A te si kai fiko ka avel tuia ande cho cher ta merela, amen ka ava dosale. 20A te phenea fikake katar gaia ezgoda, amen ni ka ava dosale katar e sovel kai jalam.
21Ta voi phenda:
Ea, cheren le gia sar phenden.
Mapalal e Rajab phenda lenge te llantar, ta phangla iek solorro lolo pe penllerava.
22E dui llene lleletar pe burdura ta gurudile kote trin llive lligo ni irisaile ando Jeriko e boñikura kai rodena len, soke ni malade len po drom. 23Ondaka e dui llene fuliste katar e burdura, nakhle o pai ta irisaile kai o Josue chavo katar o Nun. Ta phende leke sa so nakhlea. 24Ta i phende e Josueeke:
O Del dia ande amare va sa gaia phuv. Sa e llene kai zivin ande gaia phuv meren daratar amendar.
Currently Selected:
Josue 2: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
