Josue 4
4
E desudui barra katar o Jordan
1Kana sa o foro nakhlo o Jordan, o Del phenda e Josueeke gia: 2Ikhar desuduie llenen katar o foro, iek katar suako vicha, 3ta phen lenge te ikanen desudui barra maskar o Jordan katar o than kai e popura achile pe porrne. Te inllaren len ta te thoven len po than kai ka racharen gaia riat.
4Ondaka o Josue ikharda e desuduie llenen kai esvirisarda maskar o foro katar o Israel, iek katar suako vicha. 5Ta phenda lenge:
Den po maskaral katar o Jordan angla e arka katar tumaro Del o Gazda, ta suako iek tumendar te thovel iek barr pe po dumo. Iek barr prema suako vicha katar o Israel, te sai aven desudui barra. 6Von si te dikhen len, ta kana tumare chave ka puchen: ¿So si gala barra? 7Ondaka tumen ka phenen lenge:
Kana e arka katar o alav e Devleko nakhli o Jordan, o pai fuladilo pe dui kotora angla e arka. Gala barra si te denpe golli ostade e llene katar o Israel katar goia bari ezgoda.
8Ondaka von cherde so phenda lenge o Josue. Lie desudui barra katar o Jordan, iek prema suako vicha katar o Israel, ta inllarde len ando pero ta thode len kote sar phenda lenge o Josue. 9Ta i o Josue thoda aver desudui barra po dopas katar o Jordan, po than kai sea e porrne katar popura kai inllarena e arka katar o alav. Gala barra si kote llik akana.
10E popura kai inllarena e arka achile po maskaral katar o Jordan kana e israelitura cherena sa so phenda o Del e Josueeke te phenel e foroke. Sa cherdilo prema sar phenda o Moises e Josueeke. Ta o foro sigarda te nakhel, 11mapalal kana sa sea pe ogoia rig katar o pai, ondaka nakhli e arka e Devleki ta e popura thodepe anglal katar o foro. 12Ta nakhle o pai e boñikura katar e vicha e Rubeneki ta e Gadeki, ta dopas e vicha katar o Manases. Nakhle e ezgodenchar marimake ta llana anglal katar e chave katar o Israel prema sar phenda lenge o Moises, 13von sea preko saranda milie murusa, sa lacharde te marenpe. Ta nakhle ande bari umal katar o Jeriko angla o Del. 14Gua llive o Del cherda te chudilpe sa o Israel katar o Josue, te den le liubao gia sar cherda le e Moisesea ande sa leko zivoto.
15Ondaka o Del phenda e Josueeke: 16Phen e poponenge kai inllaren e arka katar o alav, te liken katar o Jordan.
17Ta o Josue phenda te liken katar o Jordan, 18kana e popura kai inllarena e arka katar o alav e Devleko likiste katar o Jordan ta thode pe porrne pe phuv suki, o pai pale irisailo pe po than ta dia avrial katar e riga sargo omanglal.
19E israelitura likiste katar o Jordan ando desengo llive katar o purvo chon. Ta logle ando Gilgal, pe rig kai likel o kham katar o Jeriko. 20Kote o Josue thoda e desudui barra kai anda katar o Jordan, 21ta phenda e israelenge:
Kana ka puchen tumen tumare chave ¿So si gala barra?, 22phenen lenge sar o Israel nakhlo o pai katar o Jordan pe phuv suki, 23ta sar o Gazda tumaro Del sukarda e paia katar o Jordan kana tumen nakhlen le, isto gia sar sukarda e Mora e Loli kana amen nakhlam la. 24Gia ka llanen sa e phuvia kai o Gazda tumaro Del si zuralo, ta tumen ka blagosin le ostade.
Currently Selected:
Josue 4: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
