Josue 23
23
O Josue del orba e foroke
1But vreme mapalal kana o Del cherda te na marenpe ios e israelitura pe dusmanonenchar ta kana o Josue saia phuro, 2o Josue ikharda e israelen e gazden e krisarien ta e gazden katar e boñikura, ta phenda lenge:
Me phurilem ta diem ande bursa. 3Tumen dikhlen sa so cherda o Del e foronenge kai mangena te marenpe tumenchar. Soke o Del mardape pala tumen. 4Me cheldem te fulavav e phuv maskar sa e viche. Ni fuladem samo e phuvia kai amen liam, soke fuladem e phuv kai achela te lela. Katar o Jordan pe rig kai likel o kham llik e Mora e Bari pe rig kai perel o kham. 5O Del ka chudel katar gola phuvia e llenen kai zivin ande len, ta tumen ka len len sar phenda le o Del.
6Den tumen zor ande sa so phenel o zakono e Moiseko. Cheren sa so si pisime. 7Na amin tumen avere llenenchar kai zivin pase. Na blagosin lenge delen, na kanden len ta na den orba lendar. Na jan sovel ande lenge anava. 8Aven tumen ostade e Devlea, sar cheren le llik akana. 9O Del chudia angla tumen foronen bare ta zurale ta llik akana niko dobisarda tumen. 10Iek tumendar sai te rodel milia llenen soke o Del marelpe pala tumen sar jala sovel kai ka cherel le.#Dt 3.22; 28.7; 32.30. 11Arakhen tumen te volin e Gazda tumaro Del. 12Soke te mukena e Devle ta amin tumen e llenenchar kai achile pase ta zininpe tumen lenchar, 13o Del ni ka chudel ios gale foronen angla tumen ta von ka kojaven tumen ta ka cheren tumen te peren. Von ka aven sargo bicho te chaladol pe tumare zea, ta sargo karrne pe tumare akha lligo ni ka aven zatrime ande phuv kai o Del dia tumen.
14Me akana ka merav. Ta omanglal mangav te llanen tumen kai o Del cherda sa so jala sovel kai ka cherel tumenge. 15Ta gia sar cherda o Del sa so jala sovel kai ka cherel tumenge, isto gia ka cherel te aven pe tumen suako muka te sai aven zatrime te na achel tumendar ni iek, 16te na cheren so achilen pe orba e Devlea. Te blagosina avere delen ta dena changenchar angla len, o Del ka joliaol pe tumen ta ka sigarel te zatril tumen ande phuv kai vou dia tumen.
Currently Selected:
Josue 23: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
