Josue 22
22
E vicha katar o Ruben, o Gad ta o dopas vicha katar o Manases irinpe kai lenge phuvia
1Ondaka o Josue ikharda e vicha katar o Ruben katar o Gad ta e dopase vicha katar o Manases, 2ta phenda lenge: Tumen cherden sa so phenda o Moises, sluga e Devleko, ta asunden me alava. 3Llik akana ni muklen tumare phlalen ta cherden sa so phenel o Del ando leko zakono. 4Akana kai o Del dia e pas tumare phlalen, irin tumen kai tumare chare ande phuv kai o Moises, sluga e Devleko, dia tumen pe ogoia rig katar o Jordan.#Nm 32.20-32; Jos 1.12-15. 5Samo mangav tumendar te cheren sa so phenel o zakono e Moiseko, sluga e Devleko, te volin e Devle te llan orta angla le suako drom, te cheren so phenel ta te radin leke sa tumaro duoia.
6Mapalal o Josue blagosisarda len, ta von irisaile kai lenge chare.
7O Moises diaia e dopase vicha katar o Manases phuvia ande Basan. Ta o Josue dia phuvia ogoia dopase vicha maskar e israelitura, pe rig kai perel o kham. I golen blagosisarda len o Josue ta bichalda len kai lenge chare. 8Ta phenda lenge:
Irin tumen kai tumare phuvia barvalimaia ta bute zivirinienchar, sunakai, rup, bronse, sastro ta bute patavenchar. De tumare phlalen so lien katar e dusmanura.
9Gia e vicha katar o Ruben, o Gad ta o dopas vicha katar o Manases fuladile katar ogola israelitura ando Silo ande phuv katar o Kanaan ta irisaile ande lenge phuvia ando Galaad. Kote sea len phuvia sar phendaia le o Del cheres o Moises.
O altar pasa o Jordan
10Kana e vicha katar o Ruben o Gad ta o dopas vicha katar o Manases avile pasa o Jordan ande phuv katar o Kanaan, vazdie kote iek baro altar pasa o pai. 11Ta kana ogola israelitura asunde kai e vicha katar o Ruben o Gad ta o dopas vicha katar o Manases vazdiea iek altar angla e phuv katar o Kanaan pasa o Jordan ande phuv katar e israelitura, 12kana llangle chidinaile ando Silo te llan lende ta te marenpe lenchar. 13Ta bichalde e Fineese chavo katar o popo o Eleazar te llal ando Galaad kai sea e vicha katar o Ruben o Gad ta o dopas vicha katar o Manases. 14Ta llele lea des gazda katar e israelitura, iek katar suako familia ta vicha 15Sa llele ando Galaad kote kai sea e vicha katar o Ruben o Gad ta o dopas vicha katar o Manases, ta phende lenge:
16Amen da orba ando anav e foroko katar o Del. ¿So si gava bilachipe kai cheren tumen e Devleke e Israeleko? ¿Soke muklen e Devle ta vazden iek altar te aven leke dusmanura?#Jos 12.5-6,13-14. 17¿Inai dosta o bilachipe kai amen cherdam ando Peor kai ni sam chiste letar, ta kai pala gua mule gachin llene ando foro e Devleko?#Nm 25.1-3. 18¿Inai dosta tumenge galea te durion e Devletar i tumen? Te si kai mangen te aven dusmanura e Devleke, thiara vou ka joliaol pe sa o foro katar o Israel. 19Te si kai tumen phenen kai e phuv kai die tumen si melali, aide ande phuv katar o Del soke ande la si o cher e Devleko. Len tumenge phuv maskar amende, ta na aven dusmanura e Devleke ta amenge te vazden aver altar. 20Den tumen golli katar o Akan chavo katar o Zeraj kai cherda o bilachipe kana lia katar e ezgode kai sea dine te aven zatrime, ta kai pala gua jolailo o Del pe sa e foro katar o Israel. ¡Ta na samo Akan mulo pala leko bilachipe!#Jos 7.1-26.
21Ondaka e llane katar o Ruben o Gad ta o dopas vicha katar o Manases phende e gazdenge katar e israelitura:
22O Gazda ta Del katar e dela llanel kai amen ni vazdiam gava altar te ava dusmanura leke. O Del llanel ta ka cherel te llanen le i tumen. Te si kai cherdam le soke manga te ava leke dusmanura, ¡te mera ta na braduisar amen! 23Te si kai vazdiam gava altar te ava leke dusmanura, o te da kurbanura o ezgode dine te sai prostil o Del, te puchel amen isto o Del. 24O chachipe si kai vazdiam le te na aven iek llive tumare chave te phenen amare chavenge: ¿So si tumen e Devlea katar o Israel? 25O Del thoda o Jordan te ava amen dur tumendar, e vicha katar o Ruben ta o Gad. Inai tumen niso e Devlea. Gia saia te avel kai tumare chave cherena te na blagosin e Devle amare chave. 26Goleke vazdiam iek altar, na te da kurbanura ta ezgode dine e Devleke, 27samo te sikavel kai amen sai blagosi e Devle ta te da kurbanura te sai prostil amen o Del. Gia tumare chave nasti ka phenen amare chavenge:
Inai tumen niso e Devlea. 28Amen phendam te si kai fiko phenel gua amenge o amare chavenge, sai te phena leke gia:
¡Dikhen! Amare purane vazdie gava altar na te den ande le kurbanura a te dikhen so sam tumen ta amen. 29Te na del o Del te ava leke dusmanura te muka le. Te vazda aver altar te da kurbanura ta ezgode dine. Soke samo si iek altar kai si angla e chara e Devleki.
30Kana o popo ta e gazda katar o foro kai sea lea asunde so phenena e llene katar o Ruben o Gad ta o dopas vicha katar o Manases, pela lenge drago. 31Ondaka o Finees chavo katar o Eleazar phenda lenge:
Akana llana kai o Del si amenchar, soke tumen ni mangena te aven dusmanura e Devleke gia o Del ni ka joliaol pe amende.
32Mapalal o Finees ta e gazda kai llana lea irisaile katar o Galaad ando Kanaan kote kai sea e israelitura. Ta kana phende lenge so phenena e llene katar ogola viche, 33pela lenge drago ta blagosisarde e Devle. Sar kotar ni die ios orba te den pe viche katar o Ruben ta o Gad ta te zatrin lengi phuv. 34E chave katar o Ruben ta o Gad phende kai gava altar ka sikavel amen kai o Gazda si Del.
Currently Selected:
Josue 22: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
