Josue 24
24
O Josue llaltar
1O Josue chidia ando Sikem sa e viche katar o Israel. Ikharda te aven angla o Del e phure, e gazda, e krisaria ta e mai preche katar o foro e Israeleko, 2ta phenda e foroke:
Gia phenel o Del e Israeleke:
Tumare purane o Teraj ta leke chave o Abraam ta o Najor zivisarde omanglal pe ogoia rig katar o pai o Eufrates, ta blagosina avere delen.#Jen 11.27. 3Ta liem e Abraame katar ogoia rig katar o Eufrates te llal ande sa e phuv katar o Kanaan. Cherdem te bariol leko porodo. Diem le e Isaake,#Jen 12.1-9; 21.1-3. 4ta e Isaake diem duie chaven, e Jakobe ta e Esaue. E Esaue diem e burdo katar o Seir. A o Jakob ta leke chave lleletar ando Ejipto.#Jen 25.24-26; 36.8; 46.1-7; Dt 2.5. 5Ondaka bichaldem e Moisese ta e Aarone ta ranisarde e Ejipto lligo ni ikandem tumen kotar.#Ek 3.1—12.42. 6Kana tumare dada likiste katar o Ejipto, e ejipsiura rodie len pe bordonenchar marimake ta e grastenchar llik e Mora e Loli. 7Von ikharde man ta me thodem iek baro truniariko maskar tumen ta e ejipsiura, ta cherdem te perel e mora pe ejipsiura, ta e mora ucharda len. Tumen dikhlem so cherdem ando Ejipto.#Ek 14.1-31.
8Ta andem len kai e phuv katar e amorreura pe rig kai likel o kham katar o Jordan. Von mardepe tumenchar ta me cherdem tumen te dobin len ta te len lengi phuv.#Nm 21.21-35. 9Mapalal o Balak chavo katar o Sipor o charo katar e moabitura avilo te marelpe tumenchar. O Balak bichalda llenen te ikharen e Balaame chavo katar o Beor te sai proketil tumen. 10Ta me ni muklem te proketil tumen o Balaam, ta sai le te blagosil tumen. Gia braduisardem tumen.#Nm 22.1—24.25. 11Ondaka tumen nakhlen o pai katar o Jordan ta avilen ando Jeriko. E llene kai zivina ando Jeriko, e amorreura, e ferezeura, e kananeura, e jititura, e gergeseura, e jeveura ta e jebuseura, mardepe tumenchar, ta me cherdem tumen te dobin len.#Jos 3.14-17; 6.1-21. 12E duien charonen amorreura tumen ni dobisarden len e jarnienchar ta e llidenchar soke me cherdem te avel lenge iek bari dar angla tumen, goleke nasle omanglal te aven tumen.#Ek 23.28; Dt 7.20. 13Ta diem tumen phuvia kai tumen ni radisarden ta forura kai tumen ni vazdien. Akana tumen zivin ande len ta jan drakha ta maslinke kai tumen ni bariarden.#Dt 6.10-11.
Ta i o Josue ios phenda:
14Goleke den liubao e Devle ta radisaren leke chachimaia ta orta. Chuden tumendar e delen kai tumare dada radisarde lenge pasa o Eufrates ta ando Ejipto ta blagosin samo e Devle. 15A te si kai ni kamen te blagosin e Devle, phenen le tumen akana, kake mangen te radin. E delenge kai tumare dada radisarde kana sea pe ogoia rig katar o len, o te radin e delenge katar e amorreura. A me ta murni familia ka radi e Devleke.
16Ondaka sa o foro phenda:
¡Te na del Gazda o Del te radi amen avere delen! 17O Gazda ikanda amen ta amare daden katar o Ejipto kai sama sluge. Vou cherda bare ezgode angla amare akha ta arakhla amen po drom kana nakhlam maskar but forura. 18Vou tradia angla amen sa e foronen kai sea po amaro drom, ta e amorreonen kai zivina kate. Goleke amen ka radi e Gazdake soke vou si amaro Del.
19A o Josue phenda lenge:
Tumen nasti radin e Devleke soke vou si santo kai inai leke drago te blagosin avere delen. Vou ni ka terpil tumare bilache ezgode. 20Te muken le ta blagosin avere delen, o Gazda ka cherel tumenge bilachipe ta ka zatril tumen, i te cherela tumenge gachin lachipe.
21Ta o foro phenda:
Ni ka avel pe amende gia. Amen ka radi e Devleke.
22Ondaka o Josue phenda:
Isto tumen phenen le kai ka radin samo e Devleke.
Ta o foro phenda:
Ka radi samo e Devleke.
23Ta o Josue phenda lenge:
Chuden e delen kai si maskar tumen ta irin tumen sa tumare liea e Gazdake o Del e Israeleko.
24Ta o foro phenda:
Amen ka radi samo e Gazdake amaro Del ta ka chera sa so ka phenel amenge.
25Isto gua llive ando Sikem o Josue achilo po alav e foroia ta dia len zakonura, 26ta pisisarda len ando lil katar o zakono e Devleko. Mapalal lia iek bari pechina ta thoda la telal katar e ensina kai si pasa o cher e Devleko, 27ta phenda e foroke:
Gaia pechina si o alav, soke voi asunda sa so phenda amenge o Del. Voi si o alav tumenge te na kojaven e Devle.
28Mapalal o Josue bichalda suakone llene te irilpe kai pi phuv.
O meripe katar o Josue
Jue 2.6-10
29Pala nesave llivesa mapalal mulo o Josue chavo katar o Nun, sluga e Devleko, kana sea leke stotina ta des burs. 30Ta prajosarde le ande pi phuv ando Timnat Seraj kai si pe burdura katar o Efrain ando norte katar o burdo o Gaas.#Jos 19.49-50. 31E israelitura radisarde e Devleke ando vreme kana zivila o Josue. Ta sa o vreme kai zivisarde e purane kai llanena so cherdaia o Del e israelitonenge.
E israelitura prajosaren e kokala katar o Jose
32E israelitura prajosarde e kokala katar o Jose kai andea katar o Ejipto ando vos kai o Jakob chindaia ande stotina tolaria rupune katar e chave e Jamoreke o Dad katar o Sikem, kai mapalal saia e phuv katar e chave e Joseeke.#Jen 33.19; 50.24-25; Ek 13.19; Jn 4.5; Ech 7.16.
O meripe katar o Elazar
33Ta i mulo o Elazar chavo katar o Aaron ta prajosarde le po burdo katar o Finees leko chavo, kai die le ando Efrain.
Currently Selected:
Josue 24: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
