Josue 21
21
E forura katar e levitura
1 Kr 6.54-81
1E gazda katar e levitura llele ando Silo te den orba e popoia o Eleazar e Josuea ta e gazdenchar katar e familie katar e viche e Israeleke, 2ta phende lenge: O Del phenda e Moiseke te den amen forura te sai zivi, ta te den amen thana pala amare zivirinie.#Nm 35.1-8. 3Ondaka e israelitura die nesave katar lenge forura ta thana e zivirinienge, sar phendaia le o Del.
4E purve sea e familiake katar o Keat ta e chavenge katar o popo o Aaron kai sea katar e vicha e Levieki. Dien len desutrin forura katar e vicha e Judaeki, e Simeoneki ta e Benjamineki. 5Ogolen katar e keatitura die len des forura kai sea katar e vicha e Efraineki, e Daneki ta katar o dopas vicha e Manaseki. 6Mapalal e familie katar o Gerson die len desutrin forura kai sea katar e vicha e Isakareki, e Asereki, e Neftalieki ta katar o dopas vicha e Manaseki kai si ando Basan. 7E familie katar o Merari die len desudui forura kai sea katar e vicha e Rubeneki, e Gadeki ta e Zabulonoki.
8E israelitura cheldepe te sai fulaven e vichake katar o Levi e forura ta e thana e zivirinienge sar phendaia le o Del e Moiseke. 9Die e levitonen forura katar e vicha e Judaeki ta e Simeoneki. 10Ta kana cheldepe o purvo drom, achile e levitura katar e familia e Keateki kai sea chave katar o Aaron. 11Pe burdura katar o Juda die len o Jebron ta e thana e zivirinienge truial. 12A e vostanura ta e forichura katar o Jebron die e Kalebe o chavo katar o Jefune.
13O Jebron saia iek foro te sai gurudon e llene kai mundarde iekhe llene. Ta i die e levitonen gala forura, o Libna, 14o Jatir, o Estemoa, 15o Jolon, o Debir, 16o Ain, o Juta ta o Bet Semes. Sa gala forura sea len thana e zivirinienge. 17Katar e vicha e Benjamineki die len o Gabaon, o Geba, 18o Anatot ta o Almon, star forura ta lenge thana e zivirinienge. 19Sa e forura ta lenge thana e zivirinienge kai die e chaven katar o Aaron sea desutrin.
20Avere familie katar e chave katar o Keat fulade len forura katar e vicha e Efraineki. 21Pe burdura katar o Efrain die len o Sikem te sai nasel o lleno kai mundarel, ta i die len o Gezer. 22O Kibsaim ta o Bet Joron e forichura truial ta e thana e zivirinienge. 23Katar e vicha e Daneki o Elteke, o Gibeton e forichura truial ta e thana e zivirinienge, 24o Aialon ta o Gat Rimon, star forura ta e forichura truial. 25Katar o dopas vicha e Manaseki dui forura o Taanak ta o Gat Rimon ta e thana e zivirinienge. 26Sa e forura katar e keatitura sea des ta e thana e zivirinienge.
27E levitonenge katar e familia e Gersoneki kai sea katar o dopas vicha e Manaseki die dui forura ta e thana e zivirinienge, o Golan kai saia ando Basan te sai avel iek foro te gurudon ta o Beestera. 28Katar e vicha e Isakareki die len o Kision, o Daberat, 29o Jarmut ta o En Ganim, star forura ta e thana e zivirinienge. 30Katar e vicha e Asereki die len o Misael, o Abdon, 31o Jelkat ta o Rejob. Star forura ta e thana e zivirinienge. 32Katar e vicha e Neftalieki die trin forura ta e thana e zivirinienge, o Kedes kai saia ande Galilea te sai aven forura te gurudon. O Jamot Dor ta o Kartan, 33Sa e forura ta lenge thana e zivirinienge kai die e familiake katar o Gerson sea desutrin.
34E levitonen katar e familia e Merarieki die katar e vicha e Zabulonoki star forura ta e thana e zivirinienge, o Jokneam, o Karta, 35o Dimna ta o Najalal. Star forura ta e thana e zivirinienge. 36Katar e vicha e Rubeneki o Beser, o Jaas, 37o Kademot ta o Mefaat. Star forura ta e thana e zivirinienge. 38Katar e vicha e Gadeki, o Ramot katar o Galaad te sai aven forura te gurudon. O Majanaim, 39o Jesbon ta o Jazer. Star forura ta e thana e zivirinienge. 40Desudui forura die e familiake katar o Merari kai sea e familie katar e vicha e Levieki kai achena te den len forura.
41E forura ta e thana e zivirinienge katar e levitura ande phuv katar o Israel sea saranda ta ojto, 42suako foro saia dur katar e aver forura, ta suakone foro sea len thana e zivirinienge.
O Israel lel sa e phuv
43Gia o Del dia e israelen sa e phuv kai omanglal diaia po alav e puranenge kai ka del la lenge. Ta e israelitura zivisarde ande la. 44O Del dia len pas ande sa e phuv. Ta lenge dusmanura nasti dobisarde len soke o Del cherela te dobil len o Israel. 45Sa so phendaia o Del kai saia te cherel e israelitonenge charda le.
Currently Selected:
Josue 21: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
