Josue 20
20
E israelitura thoven forura te gurudon
Nm 35.6-34; Dt 4.41-43; 19.1-13
1O Del dia orba e Josueke, ta phenda leke: 2Phen e israelitonenge te esvirin foronen te sai gurudon sar phendem le e Moiseseke. 3Te si kai vareko mundarel iekhe llene bi te mangel le, sai te nasel ando iek katar gola forura te na mundaren le e familia katar o lleno kai mundarda. 4O lleno kai ka nasel ando iek katar gola forura, ka avel po udar e foroko ta ka phenel e puranenge soke avilo te gurudol. Ondaka ka muken le te den andre ta ka den le iek than te sai zivil. 5Te si kai rodel le iek katar e familia katar o lleno kai mundarda le, e purane ni ka den lete, soke mundarda bi te mangel le. 6Ta o lleno kai naslo ka achel ando foro lligo ni ka krisil le sa o foro, ta lligo ni ka merel o baro popo katar gua vreme. Ondaka sai te irilpe kai po cher katar nasloa.
7Ta e israelitura esvirisarde forura te sai gurudon, o Kedes ando Galilea pe burdura katar o Neftali, ta o Kiriat Arba kai ikharen le o Jebron pe burdura katar o Juda. 8Pe ogoia rig katar o Jordan ande bari umal kai si pasa o Jeriko pe rig kai likel o kham esvirisarde e foro katar o Beser katar e vicha e Rubeneki. Ande phuv katar o Galaad esvirisarde e foro katar o Ramot katar e vicha e Gadeki. Ande phuv katar o Basan esvirisarde e foro katar o Golan katar e vicha e Manaseki. 9Gala si e forura kai esvirisarde e israelitonenge ta e llenenge kai ni sea katar o foro e Israeleko. Kote saia te gurudon suako lleno kai mundarela bi te mangel le te na mundarena le e familia katar o lleno kai mundarda, omanglal te krisil le o foro.#Nm 35.6-32; Dt 4.41-43; 19.1-13.
Currently Selected:
Josue 20: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
