Josue 19
19
E phuv katar e vicha e Simeoneki
1E duito phuv dialen e vichake katar o Simeon prema lenge familie. Ta gaia phuv saia andre katar e phuv e Judaeki, 2ta sea e forura o Berseba, o Seba, o Molada, 3o Jasar Sual, o Bala, o Esem, 4o Eltolad, o Betul, o Jorma, 5o Siklag, o Bet Markabot, o Jasar Susa, 6o Bet Lebaot ta o Sarujen. Sa sea desutrin forura ta lenge forichura. 7Ta i die len o Ain, o Rimon, o Eter ta o Asan. Star forura bare ta lenge forichura, 8ta sa e forichura kai sea llik o Baalat Beer kai si o Ramat ando Negeb. Gala si e phuvia kai dielen e familiake katar o Simeon.#1 Kr 4.28-33. 9E phuv katar e vicha e Simeoneki saia andre katar e phuv e Judaeki.
E phuv katar e vicha e Zabulonoki
10E trito phuv dielen e vichake katar o Zabulon prema lenge familie. Lengi phuv avela llik o Sarid. 11Lengi phuv resel llik o Marala ta Dabeset pe rig kai perel o kham, pasa o paiorro kai si angla o Jokneam. 12Katar o Sarid resela llik o Kislot Tabor. Kotar nakhela ando Daberat ta likela ando Jafia. 13Kotar nakhela ando Gat Jefer ta Ita Kazin pe rig oriente ta likel ando Rimon pasa o Nea. 14Ando norte nakhela ando Janaton ta likel ande bari umal katar o Jefte El. 15Ande gaia phuv sea desudui forura ta forichura pase, o Katat, o Naalal, o Simron, o Idala ta o Belen. Desudui forura ta lenge forichura. 16Gaia si e phuv kai dielen e vichake katar o Zabulon, e forura ta lenge forichura.
E phuv katar e vicha e Isakareki
17E starto phuv dielen e familiake katar e vicha e Isakareki. 18Lengi phuv saia o Jezreel, o Kesulot, o Sunem, 19o Jafaraim, o Sion, o Anajarat, 20o Rabit, o Kision, o Ebes, 21o Remet, o En Ganim, o En Jada ta o Bet Pases. 22E phuv resela llik o Tabor, o Sajasima ta o Bet Semes pasa o Jordan. Sa sea desusov forura ta lenge forichura. 23Gaia saia e phuv kai die e familiake katar e vicha e Isakareki, e forura ta lenge forichura.
E phuv katar e vicha e Asereki
24E panchto phuv dialen e vichake katar o Aser prema lenge familie. 25Lengi phuv saia katar o Jelkat, o Jali, o Beten, o Aksaf, 26o Alamelek, o Amad ta o Miseal llik o burdo o Karmelo ta o Sijor Libnat pe rig kai perel o kham. 27Pe rig kai likel i kham e phuv saia llik o Bet Dagon pasa e phuv katar o Zabulon e bari umal katar o Jefte El, o Bet Emek, o Neiel llik o Kabul, 28Ta resel ando Jebron, o Rejob o Jamon ta o Kana llik o Sidon. 29Kotar llik o Rama ta o baro foro katar o Tiro, nakhel ando Josa ta likel pe mora ande phuv katar o Akzib. 30Ta i resel ando Uma, o Afek ta o Rejob. Vis ta dui forura ta lenge forichura. 31Gaia si e phuv kai dilen e familiake katar e vicha e Asereki.
E phuv katar e vicha e Neftalieki
32E souto phuv dielen e familiake katar e vicha e Neftalieki prema lenge familie. 33Lengi phuv saia katar o Jelef, o Elon Saananim, o Adami Nekeb ta o Jabneel llik o Lakum pasa o Jordan. 34Pe rig kai perel o kham e phuv saia katar o Aznot Tabor ta nakhela ando o Jukok llik o Zabulon ando sur ta pe rig kai perel o kham pasa e phuv katar e vicha e Asereki. Pe rig kai likel o kham e phuv katar e vicha e Neftalieki resela llik o Jordan. 35E forura zidome kai die len sea o Sidim, o Ser, o Jamat, o Rakat, o Kineret, 36o Adama, o Rama, o Jazor, 37o Kedes, o Edrei, o En Jasor, 38o Iron, o Migdal El, o Jorem, Bet Anat ta o Bet Semes. Sa sea desunia forura ta lenge forichura. 39Gaia saia e phuv, e forura ta e forichura kai dielen e vichake katar o Neftali.
E phuv katar e vicha e Daneki
40E eftato phuv dielen e familiake katar e vicha e Daneki prema lenge familie. 41Lengi phuv saia o Sora, o Estaol, o Ir Semes, 42o Saalbim, o Aialon, o Jetla, 43o Elon, o Timnat, o Ekron, 44o Elteke, o Gibeton, o Baalat, 45o Jeud, o Bene Berak, o Gat Rimon, 46o Mejarkon ta o Rakon ta sa e phuv kai si angla o Jope. 47Ta soke gaia phuv ni resela lenge, e llene katar e vicha e Daneki die pe foro katar o Lesem ta mundarde saurren kai zivina kote ta lie e foro. Ta achile te zivin ando foro ta ikharde e foro Dan kai si o anav katar lengo dad.#Jue 18.1-29. 48Gaia si e phuv e forura ta e forichura kai dielen e vichake katar o Dan.
E phuv katar o Josue
49Kana e israelitura gotovisarde te fulaven e phuv suakone vichake, die kotor katar e phuv e Josueke chavo katar o Nun maskar lende, 50prema o alav e Devleko, die le e foro kai vou mangla, o Timnat Sera po burdo katar o Efrain. Vazdia pale o foro ta zivisarde ande le.
51Gala si e phuvia kai o popo o Eleazar, o Josue ta e gazda katar o foro fulade angla o Del e vichenge katar o Israel, po udar katar e chara te chidiniaon kai vazdie ando Silo. Gia gotovisarde te fulaven e phuv.
Currently Selected:
Josue 19: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
