Josue 1
1
O Del ikharel e Josuee
1Mapalal kana mulo o Moises sluga e Devleko, o Del dia orba e Josueea, chavo katar o Nun sluga e Moiseseko, ta phenda leke:
2O Moises kai saia mo sluga mulo, ta akana tu ta sa o foro katar o Israel morabi te nakhen o pai katar o Jordan te llan ande phuv kai me ka dav tumen. 3Gia sar jalem sovel e Moiseseke, me ka dav tumen sa e phuv kai tumen ka ustaven tumare porrnenchar. 4Ka dav tumen e phuv kai si katar o pusto ta e burdura. Katar o Libano llik kai o baro pai o Eufrates, sa e phuvia katar e jititura llik kai e mora e bari kote kai perel o kham. 5Niko ni ka dobil tut. Ta me ka avav tuia gia sar sema e Moisesea ta nikada ni ka mukav tut korkorre.#Dt 11.24-25; 31.6,8; Ebr 13.5. 6Trubul te le chuke zor ta te ave tromano, soke tu ka fulave gale foroke e phuv kai jalem sovel lenge dadenge kai ka dav len.#Dt 31.6,7,23. 7Samo le chuke zor te ave but tromano, ta cher sa so phenel o zakono kai mukla chuke mo sluga o Moises. Na duriv letar ni pe chachi ni po stingo te sai llal chuke sukar ande sa so ka chere. 8Phen suako drom e alava kai si pisime ando lil katar o zakono e Devleko te sai chere prema so si pisime ande lete. Mislisao ollivesea ta orachaia ande so phenel o lil, soke gia ka llal chuke sukar ande sa so ka chere. 9Dik, kai me phenav chuke te le chuke zor ta te ave tromano. Te na dara, te na jasare chi zor, soke me cho Del, ka avav tuia kaigo ka lla.
O Josue lacharelpe te lel e phuv
10Ondaka o Josue phenda gia e sudonenge katar o foro so saia te cheren: 11Llan maskar o pero ta phenen saurrenge te guruven jape, soke trin llive ios ka nakhen o pai katar o Jordan te sai len e phuv kai o Gazda amaro Del ka del amen.
12O Josue dia orba e vichenge katar o Ruben ta o Gad ta dopas katar e vicha e Manaseseki, ta phenda lenge:
13Den tumen golli so phenda tumenge o Moises sluga e Devleko, kana phenda kai o Gazda tumaro Del, ka del tumen gaia phuv te sai zivin ande pas ande la. 14Muken kate tumare rromien, tumare minonen ta tumare zivirinien ande phuv kai dia tumen o Moises, pe gaia rig katar o Jordan. A sa e murusa kai sai llan po maripe, te len e ezgode marimake ta te llan tumare phlalenchar te sai pomozin len, 15lligo ni ka del len o Del iek than te aven esmiro gia sar dia le tumenge. Llik kana von ka len e phuv kai ka del len o Del. Ondaka tumen sai ka irin tumen kai tumari phuv pe ogoia rig katar o Jordan, kote kai likel o kham, te sai avel gaia phuv, e phuv kai dia tumen o Moises, sluga e Devleko.#Nm 32.28-32; Dt 3.18-20; Jos 22.1-6.
16Ta von phende e Josueeke:
Amen ka chera sa so phendan amenge, ta ka lla kaigo ka bichale amen. 17Amen ka chera suako drom so ka phene amenge isto gia sar kandiam e Moisese. Samo manga te avel tuia o Gazda cho Del, gia sar saia e Moisesea. 18A o lleno kai ni kandela tut ta ni ka cherel so ka phene, te merel. Samo manga te le chuke zor ta te ave tromano.#Nm 27.20; Dt 34.9.
Currently Selected:
Josue 1: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
