Deuteronomio 34
34
Merel o Moises ta prajon le
1O Moises likisto katar o pusto katar o Moab kai o burdo Nebo, llik upre katar o burdo Pisga, kai si angla o Jeriko ta kotar o Del cherda le te dikhel sa e phuv katar o galaad llik kai e phuv katar o Dan, 2sa o Neftali, ta e phuv katar o Efrain ta katar o Manases, ta sa e phuv katar o Juda llik e mora oksidental, 3o Negeb, ta e umal, o vostano katar o Jeriko, kai ikharen le o foro katar e palmere, llik kai o Soar. 4Ta kote o Del phenda leke:
Gaia si e phuv kai jalem sovel kai ka dav la e porodoke katar o Abram, o Isaak ta o Jakob. Muklem te dikhela che akhenchar, a ni ka de ande late.#Jen 12.17; Jen 26.3; Jen 28.13.
5Ta kote ande phuv katar o Moab, mulo o Moises, o sluga e Devleko, gia sar o Del phendaia leke, 6Ta prajosarde le ande umal katar e phuv katar o Moab, angla o Bet pegor, ta llik allive niko ni llanel kai prajosarde le. 7Mulo kana saia leke stotina ta bis burs ta ni jasardaia pe akha ni po sastipe.
8E israelita rovde pala o Moises tranda llive po pusto katar o Moab, gia gurude e llivesa roimake ta e llivesa katar o zalosno e Moiseseko. 9Ta sar o Moises thoda pe va po Josue chaurro katar o Nun, vou saia pherdo katar o duo bizaimako, ta e chaurre katar o Israel kandie le ta cherde gia sar o Del phendaia e Moiseseke.#Nm 27.18-23; Jos 1.16-18.
10A nikada ios ni vazdinailo ando Israel iek profeta kai sargo o Moises kai pinllarda e Devleko mui,#Ek 33.11; Nm 12.6-8; Dt 18.15-18; Ech 3.22-23. 11niko nasti cherda sa ezgode te dikhon ia bare kai o Del phenda leke te cherel ando Ejipto, e Faraoneketa sa e llenenge kai radina leke ta i leke phuviake, 12ta ni pe bari zor ta pe bare ezgode kai cherda angla sa e akha e israelenge.
Currently Selected:
Deuteronomio 34: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
