Job 9
9
Job
1Ondaka o Job phenda:
2Chachimaia me llanav kai gia si.
¿A sar ka chacharelpe o manus e Devlea?
3Soke te mangea te dobi e Devle pe iek orba,
ande milia, ni ka phene iek alav.
4O Del si but bizai ta but zuralo,
¿Ko zurailo ta dobisarda e Devle?
5Vou chirdel ta ikanel e burdura pe jolinaia,
ta niko ni llanel ko cherda le.
6Vou miskol e phuv katar po than,
ta dermol la llik telal katar lake barra.
7Vou phenel e khameke, ta o kham ni likel,
ta ucharel e cheraia te na klichin.
8Vou korkorre buliarda o miloso,
ta llal upral pe valura e morake.
9Vou cherda e sa e cheraia,
vou cherda e cheraia kai ikhardon Osa ta o Orion,
gola kai si chidine ande iek than ta gola katar o sur.#Job 38.31; Am 5.8.
10Vou cherel ezgode bare kai niko ni acharel,
ta glamne bi llinde.#Job 5.9.
11Vou ka nakhel angla mande ta ni ka dikhav le, ka nakhel ta ni ka acharav.
12Te lel vareso,
¿ko ka cherel le te thovel pe po than so lia?
¿Ko ka phenel leke:
Soke chere goia ezgoda?
13O Del ni ka del palpale pi joli,
tala le peren gola
kai pomozin e llenen kai istardon.#Job 26.12; Is 51.9.
14¿A sar ka malavav alava te dobiu e Devle?
15I te avava chacho, ni phenava niso,
soke vou si mo krisari,
ta mai anglal molivaman leke.
16I te ikharava le ta te del anglal,
ni gia ni ka pachav kai asunda mo avazi.
17Soke dukhada man zurale,
ta bariarda me rane pala niso.
18Pherda zalba mo zivoto
ta ni mukla man te lav mange duo.
19Ta da orba katar leki zor, vou si zuralo,
a te da orba katar e kris,
¿Ko ka phenel leke te avel pe kris?
20Te chacharava me man,
sai dosarel man mi chib,
a te phenav kai sem orta, avava dilo.
21Te na avilema dosalo,
ni thodema sama me mange
ta murzisardema pe mo zivoto.
22Samo iek ezgoda achel man te phenav:
O Del zatril e llene kai si orta ta i e bilache.
23Te si iek bari belava ta meren llene bidosale,
vou asal katar e duk kai nakhen.
24E phuv si dini ande va katar e bilache llene,
ta ucharel o mui katar lenge krisaria, te inai o Del,
¿ko sai avel?
25Mo zivoto nakhel but zurale,
llelotar mandar bi te dikhel o lachipe.
26Nakhlo sargo e llimie ka llan zurale,
sargo e agila kai perel upral pe izivirinia kai ka jal.
27Te phenava:
Ka bristarav man katar mo roipe,
ka lav mandar e zalba ta ka thovav sa mi zor.
28Ni muken man sa me dukha,
ta llanav kai chuke ni ka avav bidosalo.
29Te sem bilacho, ¿Soke ka radiu samo gia?
30I te jalavav man ando pai o mai chisto,
ta te jalavav me va ando mai baro chistope,
31Isto gia tu ka chude man ando glibo,
ta isto me patave ka gadonpe mandar.
32Soke vou inai manus sargo me,
te de le anglal, ta te llal manchar pe kris.
33Inai maskar amende iek krisari te krisil amen,
34te lel mandar e duk kai del man,
ta te na daravel man leki dar.
35Ondaka ka dav orba ta ni ka darav letar,
soke gia sar sem, ni sem me.
Currently Selected:
Job 9: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
