Job 10
10
1Gadome sem katar mo zivoto,
ka mukav te likel o roipe
ka mukav te del orba e duk katar mo lio.
2Ka phenav e Devleke:
¡Na dosar man,
cher te llanav soke krisi man!
3Tu cherdan man, inai sukar te dukhave man,
te chude man ta te chere so mangen e bilache llene.
4¿A so? ¿Tu dikhe sar dikhen e manusa?
5¿Che llivesa si sargo e manusenge?
¿O che bursa sargo o vreme e manusengo
6te prezo ande mi dos
ta te rode mo bilachipe.
7A tu llane kai me ni sem bilacho,
ta kai inai ko te kurtulil man katar cho va?
8Tu cherdan man che vastenchar,
¿a akana mange te zatri man?
9De tut golli kai cherdan man katar o glibo,
¿A akana ka chere man prajo?
10¿Ni thodan man sargo thud
kai zuriaol ta cherdol chiral?
11Thodan pe mande o mas ta e morchi
ta khuvdan man ande kokala ta e zile.
12Dian man zivoto ta volipe,
ta arakhlan mo duo.
13Gala ezgode si gurudine ande cho lio,
me llanav kai si pasa tu.
14Te cherdem o bilachipe, tu dikhlan man,
ta ni ka avav chuke chisto katar mo bilachipe.
15Te avilem bilacho, ¡Tesko mange!
A te avilem chacho ni ka cherav baripe,
soke sem chinio katar o lallao ta e duk.
16A te cherdem baripe, ka istare man sargo liono
ta cheres ma pale ka chere bare ezgode.
17Nevo zumadipe thove pe mande,
ta bariardan chi joli pe mande
sargo boñikura kai marenpe ta ni achen.
18¿Soke muklan te biandivav?
Te mulema niko ni dikhlaia man nikada.
19Te na zivisardema nikada,
avilema inllardo katar o lli kai o limori.
20¿Inai but e llivesa kai ziviu?
duriu mandar ta muk te lav mange cherricha zor,
21mai anglal te llautar ta te na iriu man,
ande phuv katar o truniariko
ta kai si e senka e merimaki,#Sal 39.13.
22e phuv kai si o truniariko
kote kai niso inai pe po than
ta o villelo si sargo e tufina.
Currently Selected:
Job 10: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
