Job 8
8
Bildad
1O Bildad suita phenda leke:
2¿Gachin ios ka de gola orbe,
ta ka avel chi orba sargo iek balav zurali?
3¿So misli kai o Del ka bangarel so si orta?
¿O gua kai si le sa e zor ka muril o chachipe?
4Te cherde leke o bilachipe che akha,
vou mukla len ande va katar o bilachipe.
5Te rodian thiarinako e Devle,
ta te molisailan goleke kai si le sa e zor.
6Te avilan chisto ta chacho,
vou chachimaia ka dikhel pe tute,
ta ka cherel te bariol o cher katar cho chachipe.
7A te sana minono kana lian te lla angle,
mapalal ka ave but baro.
8Puch akana e phuren
ta mislisao ande alava katar e purane,
9soke amen sam terne ta ni llana niso,
ta amare llivesa pe phuv si sargo iek senka.#Job 14.2; Sal 39.5-6; 102.11; 109.23; Ekl 6.12.
10A von ka sikaven tut,
ta ka phenen chuke alava katar po lio.
11O junko ta o papiro
barion kote kai si but pai,
12a kana si zeleno ta bi te avel chindo,
vou sukol mai oma neko sa ogola patra.
13Isto gia si gola kai bristarenpe katar o Del,
ta merel sa so aduricharen,
14soke ka chindol so aduricharen,
ta lengi vera si sargo e thava katar o karpeli.
15Ka mangen te istardon pe po cher,
a o cher ni ka achel pe porrne.
16Von si sargo iek kas zeleno angla o kham,
ta letar barion ios kasta ando vostano.
17Leke zile barion pasa o pai
ta si khuvde maskar e barra.
18A te ikande len kotar
niko ni ka llanen kai von sea kote.
19Gia ka avel o son katar leki veselia,
a katar o prajo ka liken aver.
20O Del ni murzil po lleno kai si orta,
ta ni pomozil e llenen kai si bilache.
21Ka pherdol veselia cho lio,
ta ka urki veselimatar.
22Gola kai murzin pe tute ka achen ando lallao,
ta lenge chera ka aven zatrime.
Currently Selected:
Job 8: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
