Job 7
7
1O zivoto e manuseko pe phuv
si sargo iek boñiko kai cherel po rado,
2sargo iek sluga kai zelil te avel tala o lado,
ta sargo o lleno kai radil ta aduricharel po chari,
3goleke e chona ande nuzda si mo chari,
ta ande racha liem e duk.
4Kana thovav man ando than phenav me mange:
¿Kana ka ustav?
A e riat si bari ta misliu ande nuzde llik kai e thiarin.
5Mi esnaga si pherdo cherme, ta kore katar o prajo,
chindol mo mas ta likel e phum.
6Mo zivoto nakhlo mai oma neko o kastorro
kai nakhaven lea o thav te cheren o chiti,
ta akana inai le ios thav.
7De tut golli kai mo zivoto si sargo e balav,
ta kai ni ka dikhav ios o lachipe.
8E llene kai dikhen pe mande,
ni ka dikhen man ios.
Ka dikhe pe mande ta ni ka avav ios.
9Gia sar o oblako bilaol ta llaltar,
isto gia o lleno kai fuliel ando limori ni likel ios.
10Ni ka irilpe ios kai po cher,
ta ni ka dikhel leko than.
11Goleke ni ka achav te dav orba,
ka dav orba ande duk katar mo duo
ta ka rovav ande zalba katar mo lio.
12¿So sem e mora, o iek azdava e moraki,
te dikhe gachin pe mande?
13Kana phenav:
Ka del man zor mo than,
mo kerveto ka lel mandar mi duk,
14Ondaka darave man e sunenchar,
ta izdrav pala e ezgode kai chere te dikhav.
15Mai preche avilaia mange te tasaven man,
te lav o meripe neko e duk.
16Ni dav ios, ni ka ziviu ostade,
muk man, soke mo zivoto ni mol le niso.#Sal 144.4.
17¿So si o manus te bariare le,
ta te misli tut gachin ande lete,#Sal 8.4; 144.3.
18ta te ave lete suako thiarin,
ta suako drom te zumave le?#Sal 17.3.
19¿Kana ka le mandar che akha?
¿ni muke man ni kana nakhavav mo chungar?
20Te cherdem o bilachipe, ¿so muriu chuke,
tu kai arakhe e manusen?
¿Soke thove man angla tu te chude ande mande?
¿Soke cherdan te avav iek pharipe isto me mange?
21¿Soke ni le mandar mo bilachipe?
¿Soke ni prosti o bilachipe kai cherav?
Soke akana ka sovav ando prajo,
a te rodian man thiarinako ni ka avav ios.
Currently Selected:
Job 7: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
