Job 5
5
1Akana urkisar, ta dikha ko ka del tut anglal.
¿Kai savo suecho ka lla?
2Chachimaia e dile mundarel le e joli,
ta gua kai merel pala e love
zatril le e joli kana avere si.
3Dikhlem sar o dilo barvaol
ta isto kote proketisardem leko cher.
4Leke chaurre ka aven dur
ta ni ka avel ko te pomozil len
ta te arakhel len,
po udar ka aven zatrime
ta ni ka avel ko te braduil len.
5E llene bokhale ka den ande lenge umalia
katar so dia len e phuv ka jan e bokhale
ta ka ikanen le maskar e karrne,
ta e trusale ka phagen pi trus
ande lengo barvalipe.
6Soke e duk ni likel katar o prajo
ta ni chiñipe ni likel katar e phuv.
7Soke isto gia sar liken e lliske katar e iag,
isto gia liken amendar e dukha.
8Te avilema pe cho than, rodiema e Devle
ta muklema ande leke va mo zivoto,
9¡Soke vou cherel ezgode bare
kai niko nasti mislilpe ande lende
ta ezgode glamne kai si billinde!#Job 9.10.
10Kai bichalel o bursin pe phuv,
ta bichalel e paia pe umalia.
11Vou bariarel e chorren
zor ta vazdel e llenen kai si zalosne.
12Vou phagel e mislura katar o llanglo
te na cherel niso pe vastenchar.
13Vou phandel e bizaien
isto ande lengo bizaipe
ta phagel lenge bilache mislura.#1 Kor 3.19.
14Cherel te eskonban ollivesea
sargo kana si ando truniariko
ta ande desudui e lliveseke,
llan pipindo sargo kana si orachaia.
15Gia braduil e llenen kai si chorre
katar e llene kai si bilache ta silne,
16vou si so aduricharen e chorre,
ta phandel e bilachengo mui.
17Blagosime o lleno kai dukhavel le o Del,
goleke thoven sama
kana sikavel tumen o Del kai si le sa e zor.#Sal 94.12; Pr 3.11-12; Ebr 12.5-6.
18Soke vou dukhavel, ta isto vou lel e duk.
Vou chalavel, ta pe vastenchar sastarel.#Os 6.1.
19Ande sov nuzde ka braduil tut,
a kai e efta ni ka avel pe tute o bilachipe.
20Kana ka avel e bok ka braduil tut te na mere,
kana ka marenpe ka braduil tut katar o jarni.
21Ka braduil tut katar e orbe,
ni ka dara kana ka avel e zatrania.
22Ka asa katar e bok ta katar e zatrania,
ta ni ka dara katar e zivirinie dive.
23Ni ka aven barra pe cho drom,
ta e zivirinie dive ka aven che amal.
24Ka llane kai si pas ande chi chara.
Ta kana ka ave chere sa che ezgode ka aven isto kote.
25Ta ka dikhe sar cho porodo ka avel but,
sargo e char kai si pe umalia.
26Kana ka phurio ta ka mere
ka ave sargo o lliu kai chinenle kana si reslo.
27Sa gala ezgode dikhlam, ta gia si,
asun len ta sikiu lendar.
Currently Selected:
Job 5: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
