Job 4
4
E purvi orba katar but orbe
Caps. 4—14
Elifas
1Ondaka o Elifas o temanita phenda:
2Te zumava te da tuia orba
sai te na avel chuke drago
a ¿ko sai achavel e alava?
3Tu kai sikavea bute llenen
ta dea zor gole kai ni saia kovlo,
4Che alava vazdena golen kai perena
ta zuriarela e porrne kai ni saia len zor,
5a akana kai avila pe tute o bilachipe,
¿jasare e zor ta ni llane so ka cher?
6¿Ni uzdi tut ando liubao kai de e Devle?
¿Ni adurichare e Devletar
pala o drom orta kai phire?
7Mislisao orta, ¿savo lleno chacho jasailo?
O ¿kai avile zatrime e llene orta?
8Prema so dikhlem pe mo zivoto,
ko cherel o bilachipe, lel o bilachipe
ta lel prema so cherda omanglal.
9E Devleko aburo del pe lende ta meren,
phurdel jolinaia pe lende ta zatrinpe.
10E lionura kai basen
ta e danda lenge minonenge phagon.
11O liono phuro inai le so te jal,
ta e minone katar e liona rispinpe.
12Goia ezgoda saia mange gurudini,
a asundem ta achardem latar vareso.
13Kana misliu man ta dikhav ande sune
kana e lindri perel pe manusa,
14avila mange iek bari dar
ta lia man iek izdrape.
15Iek balav nakhli pe mo mui
ta vazdinaile e bal pe mande.
16Thodape angla mande iek manus,
kai ni phinllardem leko mui,
ta ni asundola niso,
ta asundem kai phenela:
17¿Sai avel o manus chacho angla o Del?
¿Sai avel o manus mai chisto neko gua kai cherda le?
18Ni ande gola kai radin leke ando miloso
o Del ni uzdilpe ande lende,
ta dikhla kai ni von inai but chache,
19a sar ka uzdilpe ande gola kai zivin
ande chera chikake kai si thode po prajo,
ta kai ka aven zatrime sargo e papuruga.
20Maskar e thiarin ta e riat
si zatrinpe ta jasaon ostade,
ta inai niko te thovel lenge sama.
21Lengo sukaripe llaltar lenchar
ta meren bi te sikon o bizaipe.
Currently Selected:
Job 4: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
