Job 42
42
O Job acharel kai Del si bizai
O Job
1O Job phenda e Devleke:
2Me llanav kai tu sai chere sa,
ta kai nasti gurudol tutar ni iek mislo.
3Ande mo dilipe ni acharava so sikavea man,
soke me dava orba so ni acharava,
ezgode kai mange sea but bare,
kai me ni acharava len.#Job 38.2.
4Me moliv man chuke, mangav te puchav tut,
ta tu te sikave man.#Job 38.3; 40.7.
5Me samo asundem tutar,
a akana me akha dikhen tut.
6Goleke murziu isto pe mande,
ta besindo po prajo ta pe e chik
dav man palpale pe so phendem.
O Del iril o lachipe kai o job
7Ta kana o Del dia orba e Jobea, mapalal o Del phenda gia e Elifaseke o temanita:
Mi joli barili pe tute ta pe che dui amal, soke ni dien orba mandar o chachipe, gia sar del orba o Job. 8Goleke akana, len efta telchura ta efta bakre ta llan kai mo sluga o Job ta den kurbano pala tumende ta mo sluga o Job ka molilpe pala tumende, soke leke ka thovav sama te na dukhavav tumen, soke ni dien orba mandar chachimaia, gia sar del orba o Job.#Job 1.5.
9Ondaka o Elifas, o Bildad ta o Sofar cherde gia sar phenda lenge o Del, ta o Del lia o molipe kai cherda o Job.
10Ta o Del lia e duk katar o Job, kana molisailo pala pe amal, ta dia e Jobe dui droma mai but ezgode neko so saia le.#Job 1.1-3. 11Ta avile lete sa leke phiorra ta gola kai pinllarena le omanglal, ta jale lea marrno ande leko cher ta avila lenge zalba letar ta die le zor pe o bilachipe kai o Del andaia pe lete, ta suako iek lendar dia le iek tolari ta iek angrusti sunakuni.
12Ta kotar angle o Del blagosisarda le ma but neko omanglal soke avila le desustar milie bakre, sov milie deve, dui milie guruva ta milia magarche. 13Avila le efta chaurre ta trin chorra. 14O anav katar e purvo chorri thoda, Jemina, katar e duito, Kesia ta katar e trito, Keren Apuk. 15Ande sa e phuvia ni sea mai sukar chea neko e chea katar o Job ta phenda te perel i len katar so saia te perel lenge phlalen.
16Ta mapalal katar sa gala ezgode, o Job zivisarda stotina ta saranda burs, ta dikhla pe chaurren ta lenge unukonenge chaurren. 17Ta o zivisarda but burs ta mulo but phuro.
Currently Selected:
Job 42: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
