Salmos 1
1
E veselia chachuni
1Blagosime o manus
kai ni cherel so phenen e bilache llene,
ta kai ni phirel pe bilachenge droma,
ta ni besel e llenenchar kai maren espurnia katar o Del,
2kai thovel po volipe ando zakono e Devleko
ta kai mislilpe ande lete orachaia ta ollivesea.#Sal 63.7; Sal 77.13; Sal 143.5.
3Gua manus si sargo iek kas
kai si thodo ande phuv pasa iek len,
del pe septelie ande po vreme
ta nikada ni sukon leke patra.
¡Ta sogo cherel, likel leke sukar!#Job 29.19; Jer 17.8.
4A e bilache llene inai gia,
soke von si sargo e char suki kai inllarel la e balav.#Job 21.28; Jer 13.24; Os 13.3; Sof 2.2.
5Goleke e bilache llene ka peren ande kris e Devleki,
ta ni ka aven ande iek than e llenenchar kai si chache.
6O Del pinllarel o drom e chachengo,
a o drom e bilachengo inllarel karing e zatrania.#Pr 4.18-19; Mt 7.13-14.
Currently Selected:
Salmos 1: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
