Job 40
40
1Ta o Del phenda gia e Jobeke:#Job 13.15-23; 23.5; 31.35-37.
2¿Si bizaipe te ja tut e Devlea kai si le sa e zor?
Te del anglal gua kai jal pe e Devlea.
Job
3Ondaka o Job phenda gia e Devleke:
4Chachimaia me sem bilacho,
¿So sai phenav chuke?
Mo va thovav pe mo mui.
5Iek drom diem orba, a akana iok,
diem orba pale o duito ta ni ka cherav le pale.
O Del pale puchel e Jobe
6O Del phenda e Jobeke katar e bari balav:
O Del
7Te san gia tromano,
me ka puchav tut ta tu ka de anglal.#Job 38.3.
8¿Ka phene i tu kai mi kris ni mol la?
¿Ka dosare man, te chachare tut?
9¿Cho va si sargo e Devleko?
¿Ta cho avazi girmil sargo leko?
10Furiado akana ando baripe ta ande zor,
uchar tut ando blagosipe ta o sukaripe.
11Cher te pharrol chi joli, dik po barikano
ta muk le ando lallao.
12Dik pe suako barikano ta muk le ando lallao,
ta zatrisar e bilachen, ta thov len pe lengo than.
13Uchar len ando prajo,
phande lenge esnage ando truniariko,
14ta i me ka blagosiv tut
pala chi zor kai sai braduil tut.
15Dik po Beemot, kai cherdem le sargo tut,
jal char sargo guruv.
16Akana leki zor si ande leke zea
ta ande leko lli.
17Miskol pi pori sargo iek sedro,
ta e zile pe leke porrne si khuvde.
18Leke kokala si zurale sargo o tuch
ta leke porrne chapene sargo sastri.
19Vou si o purvo katar so cherda o Del,
ta gua kai cherda le, sai mundarel le.
20Pe burdura bariol leke e char te jal,
ta suako zivirinia inzol kote.
21Ka inzol telal katar o lado,
gurudino maskar e kasta kote kai si pai.
22E kasta kai den lado ka ucharen le
ta e kasta e paieke si truial letar.
23Te divolpe e len vou ni daral,
i te chalavel pe leko mui o pai katar o jordan
vou achel esmiro.
24¿Sai istarel le vareko kana vou prezol,
te jiraven leko nak?
Currently Selected:
Job 40: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
