Job 39
39
1¿Llane tu kana bianen e busnia katar o vos?
¿O dikhlan tu sar biandol iek siervo?
2¿Llindan tu e chona katar lako khamnipe,
ta llane kana si te bianen?
3Bangon ta bianen pe minonen,
ta lenge dukha nakhen.
4Lake minone len peke zor ta barion pe char,
llantar ta ni irinpe ios kai pi dei.
5¿Ko mukliarda e magarcho pe burdura
ta ko mukliarda le katar leko phandipe?
6Me muklem le te zivil korkorre,
kote kai e phuv ni del but zivoto.
7Asal peke katar e llene e foroke,
ni asunel sar urkil
gua kai arakhel e magarchonen.
8Pe bare burdura rodel e char
ta jal suako zelenipe.
9¿Tu misli kai o guruv kai zivil ande umalia
ka kandel tut, ta ka achel ande cho rindo?
10¿Ka phande pe leko soro iek kotor kastuno
ta ka putarel e phuv soke tu gazdari pe lete?
11¿Ka uzdi tut ande lete soke si zuralo,
ta ka muke sa o rado pe lete?
12¿Ka uzdi tut ande lete te chidel e kuchorra,
ta te guruvel len ande iek soba?
13¿Cherdan tu te aven le sukar pakha
e churkura e charoke,
o cherdan te aven la pakha ta bal e avestrus?
14Voi thovel pe arrne pe phuv ta mukel len
te tatarel len o kham,
15ta bristarelpe kai sai ustaven len
ta kai sai phagen len e zivirinie katar o vos.
16Cherdol bilachi pe minonenchar,
sargo kana inai lake,
ni mislilpe kai lako rado sai ni moldaia niso.
17O Del ni mukla te avel bizai
ta ni dia la o bizaipe.
18A kana ustel ta prastel, asal peke katar o gra
ta katar gua kai llal upral pe lete.
19¿Dian tu e zor e graste?
¿Thodan tu pe leki korr gola bare bal?
20¿Ka chere le tu te jutel sargo iek langosta?
Vou si glamno kana disil ta basel leko nak.
21Randel e phuv pe porrnea, veselilpe ande po zor,
ta tromano llal i vou te marenpe lea.
22Marel espurnia katar e dar ta ni daral
ta ni lel po mui angla o jarni.
23Basen pe iek rig e llide ande leki ambava
ta asundol o sastri katar e lanse ta e jabaline,
24tromano randel e phuv
ta ni chitilpe leke kai basel e tuturuga,
25a ios mai but zor del le kana asunel la
ta duratar khandel leke o maripe, ta asunel
o urkipe katar e gazda ta o urkipe saurrengo.
26¿O gavilan furial pala cho bizaipe
ta furial karing o sur?
27¿Tu phendan te furial e agila
ta te thovel chak upre po kuibo?
28Voi zivil pe pechine,
chak upre pe barra ta pe pechine.
29Chak kotar upral
dikhel pe zivirinia kai ka jal.
30Lake minone jan o rat,
ta kote kai si iek zivirinia muli, kote si voi.
Currently Selected:
Job 39: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
