Job 3
3
O Job del orba katar pi belava
1Ondaka o Job proketisarda o llive kai biandilo. 2Dia orba ta phenda:
Job
3Proketime te avel o llive kai biandilem
ta e riat kai phende:
¡Murus si!
4Daboida te avel gua llive truniariko,
te na arakhel le o Del upral
ta te na avel le villelo.
5Te gadol le o truniariko ta e senka e merimaki
te aven pe lete e oblakura ta
te cheren le gado ta truniariko.
6Te avel ande goia riat samo o truniariko,
te na llinen le ande llivesa katar o burs,
ni ande llivesa katar e chona.
7¡Ioi te avilia iek riat pusti,
te na avilaia llilabipe veselo ande late!
8¡Te avel proketime gua llive
katar gola kai cheren te llungadol o Leviatan!#Job 41.1; Sal 74.14; 104.26; Is 27.1.
9Te na klichisardea e cheraia katar goia thiarin,
te na aviloia o villelo katar gua llive
ta te na dikhiloia sar pharron e zore e lliveseke.
10¡Proketo te avel goia riat kai mukla man te biandivav
ta kai ni phangla me akha te na dikhav o chorripe!
11¿Soke ni mulem kana sema ande me dako lli,
o te mulema kana biandilem?
12¿Soke aduricharena gola changa
ta gola kolina te piav lendar kana biandilem?
13Te na biandilema ondaka,
akana sovtema esmiro
ta avilema mulo,
14e charonenchar ta e glamne llenenchar katar e phuv
kai vazden peke katar o phagipe bare chera,
15ta golenchar kai gazdarin kai saia len sunakai,
ta pherena rup pe chera.
16¿Soke ni prajosarde man sargo iek baiato kai merel,
sargo e minone kai meren mai anglal te biandon?
17Kote e bilache llene ni izdran ios,
ta kote lelpe o chiñipe katar e llene chinie,
18kote malaven e pas e llene phangle,
ta ni asunen ios o avazi katar o gazda,
19kote si bare ta i minone sargo iek,
ta o sluga si mukliardo katar po gazda.#Jer 20.14-18.
20¿Soke dikhen o villelo gola kai si dukhade?
¿Soke del zivoto golen kai zivin ande nuzda
21ta aduricharen o meripe ta ni meren,
ta roden o meripe sargo kana si iek barvalipe?#Apo 9.6.
22Kai veselinpe zurale, ta si lengi dragostia
kana meren ta llan ando limori.
23¿Soke del zivoto e golen kai ni llanel katar te llan,
ta o Del phandel lenge o drom?
24Soke mo jape si mi duk
ta mo pipe si mo roipe.
25Soke e dar kai saia mange
avili pe mande,
ta nakhav e ezgode kai darava.
26Inai man sar te lelpe mandar o chiñipe,
inai man pas ta avile pe mande e brige.
Currently Selected:
Job 3: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
