Job 37
37
1Goleke mo lio izdral ta marel gia zurale,
kai mangel te likel katar mi esnaga.
2Thoven sama gia zurale asundol leko avazi
ta o girmipe kai likel katar leko mui.
3O Del mukliarel po avazi telal katar e oblakura
ta leko villelo dikhol pe sa o sueto.
4Mapalal katar o villelo vou basel surale,
ta pale dikhol o villelo kana asundol leko avazi.
5O Del girmil ta leko avazi asundol glamno,
vou cherel bare ezgode kai amen ni achara.
6Soke vou phenel te perel o iv pe phuv
ta i te delpeke ta te perel o baro bursin.
7Gia tradel suako manuse,
te sai llanen so cherda o Del.
8E zivirinie llan te gurudon,
ta kote achen gurudine ta aduricharen.
9Katar o sur phurdel zurale
ta avel e balav silali katar o norte.
10O Del phurdel ta cherdol o ledo
ta e bare paia ledonpe.#Sal 147.17.
11Perel pai e oblakura
ta kotar chudel po villelo.
12Ta amil e oblakura katar iek than pe aver,
te cheren upral pe phuv
sa so vou phenel lenge te cheren.
13Nesave droma dukhavel lenchar e manusen,
a aver droma cherel le te sikavel po volipe.
14Asun Job so phenav chuke,
achi ta mislisao ande bare ezgode e Devleke.
15¿Llane tu sar gazdaril pe oblakura
ta sar cherel te klichil o villelo maskar lende?
16¿Llane tu soke inai niso sargo e oblakura,
ta kai si iek bari ezgoda kai cherdala
o tamam ando bizaipe?
17¿Soke che patave si tate
kana vou achavel balav tati katar o sur?
18¿Pomozisardan le te buliarel o miloso,
ta istardan len sargo iek geldala?#Jen 1.6.
19Sikav amen so si te phena,
soke nasti thova amare mislura pe po than
pala o truniariko.
20¿Trubul te phenav kana ka mangav
te dav lea orba?
¿Ko tromal te del orba ta te avel zatrime?
21A akana nasti dikha orta po kham
kai klichil ando miloso
soke nakhel e balav ta bristol e oblakura,
22Avel katar o norte ta klichil zurale.
Ando del si iek bari zor ta baripe.
23E Devle si sa e zor,
vou si gia zuralo kai nasti resa lete
vou si gia chacho kai ni ka dukhavel nika.
24Ka daran letar e manusa,
leke inai drago gola kai mislin kai si bizai.
Currently Selected:
Job 37: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
