Job 36
36
E starto orba katar o Eliu
1Ta phenda o Eliu:
2Adurichar man cherricha ta ka sikavav tut,
soke achen man ios orba pala o Del.
3Ka lav o bizaipe duratar,
ta ka sikavav o Del si ando chachipe.
4Soke me alava inai kojamne,
angla tu si iek lleno kai llanel so del orba.
5O Del si baro ta ni mukel nika,
vou si zuralo ande zor katar o chachipe.
6Ni ka del zivoto e bilache,
a e llenen kai si dukhade ka del len po chachipe.
7Ni ka lel pe akha katar e llene chache,
ta ka thovel len maskar e charura po trono ostade,
ta ka aven blagosime.
8A te avena phangle ande lanchura,
ta chichidine ande sole katar e duk,
9O Del ka sikavel lenge so cherde,
ta kai ni mukle o bilachipe katar lengo baripe.
10Putarel lenge kan te aven ortome,
ta phenel lenge te irinpe katar o bilachipe.
11Te asunde ta te kandie e Devle,
ka zivin ando lachipe ta ande veselia.
12A te na asunde, ka aven nakhade po jarni,
ta ni ka acharen kana o meripe ka avel pe lende.
13A e kojamne chiden peke e joli
ta ni ka mangen te pomosin len
kana vou ka phandel len.
14Ka meren ande po ternipe,
ta lengo zivoto ka avel maskar e murusa
kai kurvimpe pala pe dela.
15E ikanel e chorre ka katar o chorripe
ta ande duk ka asunel.
16Ta isto gia ka ikanel tut katar e nuzda
te thovel tut ando bulipe,
te na sigare pe niso, ta ka thovel chuke
iek sinia te ja o mai lacho jape.
17A tu chindan kris e bilacheke,
kana saia te chine iek kris chachi.
18Goleke arak tut te na voli o barvalipe
ta te na jasaren tut e love kai pochinen chuke.
19¿Mol le vareso angla o Del cho barvalipe,
o sunakai, o e zor katar o gazdaripe?
20Na zelisar e riat, kana e forura
ni achen ios pe po than.
21Arak tut te na pere ando bilachipe,
soke esvirisardan le ta goleke nakhe e duk.
22Goleke o Del si baro ande pi zor,
¿Ko sai sikavel sargo vou?
23¿Ko sai sikavel leke o drom?
¿Ko sai del pe lete pala so cherel?
24Sa o sueto blagosil so cherda o Del,
goleke de tut golli te blagosi i tu so vou cherda.
25Sa o sueto dikhel so vou cherda,
o manus dikhel duratar.
26O Del si baro, ta amen ni pinllara le,
ta nasti llindon leke bursa.
27Vou chidel e kuchorra e paieke
ta cherel te cherdol bursin o aburo,
28ta thavdel katar e oblakura
te delpeke upral pe manusa.
29¿Ko llanel sar miskonpe a oblakura
ta soke asundol o girmipe andre?
30O Del sikavel po villelo pe phuv,
dikhol upral pe mora ta ni dikhol so si chak telal.#Sal 18.13-15.
31E bursindea o Del pravarel e foronen
ta but llene jan pala goia ezgoda.
32Thovel e oblakura te ucharen o kham
ta cherel te avel truniariko pe phuv.
33Kana girmil o miloso o Del sikavel pi duk
ta o baro bursin sikavel leki joli po bilachipe.
Currently Selected:
Job 36: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
