Job 35
35
E trito orba katar o Eliu
1O Eliu dia orba ios ta phenda:
2¿Tu misli kai si orta so phendan,
kai san mai chacho neko o Del?
3Soke tu phendan:
¿So ka lav pala goia ezgoda?
¿O so ka dobiu kai ni cherdem o bilachipe?#Job 7.20.
4Me ka phenav chuke soke,
ta i e llenenge kai si tuia.
5Dik upre po miloso ta mislisao
kai e oblakura si mai bare neko tu.
6Te cherdan o bilachipe,
¿so sai chere golea e Devleke?
A te na kandian le ios mai but, ¿so ka chere leke?
7Te avea chacho, ¿So ka de le?
¿O so ka lel katar cho va?
8Cho bilachipe dukhavel e llenen kai si sargo tu,
a cho chachipe lacharel ogole manusen. #Job 22.2-3.
9Mangen rovindo pala gachin silnope,
ta roven tala o va katar e llene kai gazdarin.
10Ta niko ni phenel:
¿Kaitalo mo Del
kai cherda man, kai cherel te llilaben orachaia
11kai sikavel amen mai but neko e zivirinien
e phuviake, ta cherel amen mai bizai
neko e chiriklia kai furian?
12Gala llene ka mangen, a vou ni ka asunel
pala o baripe katar e llene bilache.
13Chachimaia o Del ni ka asunel lengo dilipe,
ta ni ka thovel sama o Del kai si le sa e zor.
14Ta ios mai but kana phene kai ni thove leke sama,
a e kris si angla le, goleke adurichar.
15Ta kai o Del akana ni dukhavel,
ta kai ni del po manus silnomaia.
16Goleke o Job del orbe kai ni mol len niso
ta del but orbe dile.
Currently Selected:
Job 35: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
