Job 34
34
E duito orba katar o Eliu
1ondaka o Eliu phenda:
2Asunen me alava tumen kai sen bizai
ta i tumen kai llanen but thoven mange sama.
3Soke e alava si zumade katar e kan,
gia sar o jape si zumado katar o mui.#Job 12.11.
4Esvirisara amenge e kris,
ta dikha maskar amende so si lacho.
5Soke o Job phenda:
Me sem chacho,
ta o Del lia mandar mo chachipe.
6¿Ka kojavav pe mo chachipe?
si man iek bari duk a ni cherdem o bilachipe.#Job 27.1-5.
7¿Savo manus si sargo o Job,
kai nakhel e duk sargo kana piel pai,
8kai llal pasa e llene kai cheren o bilachipe,
ta phiren e bilache llenenchar?
9Soke vou phenda:
Niso ni dobil o lleno
kai rodel te perel lacho e Devleke.
10Goleke, manusalen kai sen bizai, asunen man:
na mislin katar o Del kai si le sa e zor
kai ka cherel o bangipe,
o kai ka cherel o bilachipe.
11Soke vou ka pochinel e manuseke
prema so cherel, ta ka del le prema sar phirel.#Sal 62.11-12; Pr 24.12; Jer 17.10; Ez 18.30; 33.20; Mt 16.27; Ro 2.6.
12Chachimaia o Del ni ka cherel o bangipe
ta ni ka bangarel so si orta.
13Niko ni phenda leke te avel gazda pe phuv
ta te thovel suako ezgoda pe po than.
14Te mislila o Del samo ande pe,
ta te lel po duo zivotoko,
15sa o sueto merela,
ta o manus irilape kai o prajo.#Sal 104.29.
16Te acharea vareso, asun gaia ezgoda,
asun e alava kai phenav chuke.
17¿Sai gazdaril gua kai murzil pe kris?
¿Ta ka dosare tu gole kai si gia chacho?
18¿Sai phendol kai o charo si bilacho,
o kai e glamne llene si chorane?
19O Del ni thovelpe pe rig katar e glamne,
ni inai leke mai lache e barvale neko e chorre,
¡soke o Del cherda sa e manusen!
20ande iek vreme minono ka meren,
po dopas katar e riat
ta ande forura ka avel burkania, ta ka nakhen,
ta bi te silnonpe po zuralo ka avel ikando.
21Soke o Del dikhel katar phirel o manus,
ta dikhel sa so cherel.
22Inai truniariko ni senka merimaki
kai te gurudon gola kai cheren o bilachipe.
23O Del i thovel iek pharipe mai baro
neko so trubul te sai llal pe kris angla o Del.
24Vou ka peravel e zuralen bi te puchel niso,
ta ka thovel averen pe lengo than.
25Soke vou ka cherel te pinllardol so cheren,
kana ka thovel len ande burkania
ta kana ka zatril len.
26Ka dukhavel len sargo llenen bilache
te sai dikhen len e llene,
27soke durile katar o Del
ta ni llele prema ni iek katar leke droma,
28ta cherde te urkin e chorre angla o Del,
ta te mangen letar rovindo gola kai inai len niso.
29A o Del te na cherda niso, ¿ko ka del pe lete?
Te na sikadola, ¿Ko ka dikhel pe lete?
avela iek foro o iek manus,
30ta cherel te na gazdaril o bilacho manus
ta te na dukhavel e foro.
31Mai sukar avela te phene e Devleke:
me inllardem e duk, ni ka dukhavav ios,
32sikav mange si ni dikhav,
te cherdem o bilachipe ni ka cherav le ios.
33¿A so, trubul te cherdol sa sar tu mange?
O Del llanel so ka cherel, na tu,
a te llanea aver ezgoda, ¡de orba akana!
34E llene bizai ta e llene llangle
ka phenen manchar:
35O Job ni del orba bizaimaia,
ta leke alava inai llangle.
36Me mangav te avel zumado o Job,
prema so phenda, soke dia orba
sargo e llene bilache.
37Soke cherda o bilachipe ta i ni kandia,
marel amenge ande palme,
ta bariarel pe orbe ta jalpe e Devlea.
Currently Selected:
Job 34: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
