Job 33
33
1Akana, asun Job e orba kai ka dav chuke,
ta asun sa e alava kai ka phenav chuke.
2Ka dav orba ta ka asundol mo avazi.
3Ande me orbe ka phenav o chachipe katar mo lio
ta ka phenav so llanav chachimaia.
4O duo e Devleko cherda man,
O Del kai si le sa e zor
phurdia pe mande ta dia man o zivoto.
5Te si tut varesavi orba phenla,
uste ta de mange anglal.
6Kate sem, phen mange na phen e Devleke,
prema sar phendan, i me sem cherdo katar e chik.
7Ni ka dara mandar,
ta ni ka vazdav pe tu mo va.
8Tu phendan iek drom
ta me asundem chi orba kana phenea:
9Me sem chisto ta orta, ni sem dosalo
ta inai bilachipe ande mande.
10O Del rodel sar te dosarel man,
ta me sem sargo leko dusmano,
11Thoda lanchura pe me porrne,
ta dikhla kaigo llava.
12Pe gaia ezgoda ni dian orba chachimaia,
soke o Del si mai baro neko o manus.
13¿Soke ja tut e Devlea?
vou ni ka thovel sama pe ni iek katar che orbe.
14Vou but droma del orba,
a o manus ni thovel leke sama.
15Ande sune,
sargo ande iek suno ande riat,
kana o suno perel pe llene,
kana lel len e lindri ando than,
16Ondaka del orba ande manusengo kan
ta phenel lenge so te cheren,
17te ikanel amen katar o bilachipe,
ta te ikanel katar o murus o baripe,
18ta gia ikanel amen katar e meripe,
ta te na mundaren amen e jarniea.
19But droma lel e duk ande postelia
ta dukhadon sa leke kokala,
20ta cherel te gadolpe katar o marrno
ta ni kame te jal e sukar zumi.
21Leko mas sukol
ta dikhon leke kokala,
22o manus avel mai pase katar o limori,
ta avel kai o udar e merimako.
23Te avela le vareko po maskaral
kai llanel te del orba sukar ta te avel esvirime,
te phenel e manuseke so si te cherel,#Job 5.1; Job 16.19-21.
24te phenel leke kai e Devleke avila zalba letar,
kai ni ka mukel le te merel
ta kai malada sar te braduil le.
25Ondaka leki esnaga
ka avel nevi sargo e minonengi
ta ka avel sargo kana saia terno.
26Ka molilpe e Devleke,
ta o Del ka volil le
ta ka mukel te dikhel leko mui veselimaia
ta ka del le pale leko chachipe.
27Vou dikhel pe manusa, ta ko phenela:
Cherdem o bilachipe, ta murisardem o chachipe,
ta ni dobisarden niso golea,
28o Del ka braduil leko zivoto
te na perel ando limori
ta leko zivoto ka avel ando villelo.
29Gala ezgode cherel len o Del
but droma e manusea,
30te ikanel e manuse katar o meripe
ta te del le o villelo katar o zivoto.
31Thou sama Job, ta asun man.
32Te si tut so te phene de mange anglal,
de orba soke me mangav te ave chacho.
33A te inai gia, asun man tu, ta na de orba,
soke me ka sikavav tut te ave llanglo.
Currently Selected:
Job 33: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
