Job 30
30
1A akana asan peke mandar e mai terne neko me,
kai lenge daden mukava ando lallao,
ta thovava len maskar e llukela
kai arakhena me guruva.
2¿A so dobiva kana ni saia len ni zor ande va?
ni saia len nisavi zor.
3Pala o chorripe ta e bok llana kote kai inai niko,
nasena te achen korkorre ando truniariko,
pe thana jale ta puste,
4chidena te jan patra katar o vos,
ta phabarena e zile katar o kas enebro te taton.
5Sa e llene tradena len ta urkina pe lende
sargo kana sea chorane,
6zivina ande jar kai si pasa e paia,
ando putardipe katar e phuv, ta maskar e barra.
7Urkina maskar e patra
ta chidiniaona tala e kasta e karrnale.
8Llene bilache, ta kai inai len anav,
von sea e mai chudine pe phuv.
9Ta akana maren mandar espurnia,
den me orbe ta asan peke mandar.
10Murzin pe mande, durion mandar,
ta i chungarden pe mande.
11Soke o Del mukla man, ta dukhada man,
akana inai len ni iek liubao,
ta maren mandar espurnia sar von mangen.
12Pe mi rig e chachi iek umpa llene
chidinaile pe mande ta espiden man,
ta lacharen mange o drom katar o jasardipe.
13Murisarde mange mo drom
lie peke zor kana dikhle kai sema phago,
ta ni saia ko te pomozil man.
14Marenpe manchar sargo e boñikura
kai nakhen iek zido putardo.
15Marenpe manchar sargo e balav
kai del ande mi furnava,
ta mo barvalipe nakhlo sargo iek oblako.
16A akana e zalba pherda mo zivoto,
e duk gazdaril pe mande.
17E riat phagel me kokala
ta ni lelpe e duk kai si truial mandar.
18Silnomaia chinol man
ta chichidel mo fistano pe mi korr.
19Vou perada man po glibo,
ta sem sargo e chik ta o prajo e iagako.
20Mangav tutar, a tu ni asune man,
avav angla tute, a tu ni thove mange sama.
21Cherdilan bilacho mange,
ta lla pala mande sa che zoriaia.
22Thodan man upral pe balav
ta llelem pe late sargo po gra ta biladilem.
23Me llanav kai inllare man kai o meripe,
ta kai o cher kai si chinado suakone manuseke.
24Me nikada ni phendem kai iok
e llenenge kai trubula len te pomoziu len.
25Me rovava e llenenchar kai dukhala len,
ta mi zalba saia e llenenchar kai ni saia len niso.
26Kana me aduricharava o lachipe,
avela o bilachipe,
ta kana aduricharava o villelo,
avela o truniariko.
27Izdral mo lli ta ni achel,
e llivesa dukhade avile pe mande.
28Samo kalipe dikhav,
angla sa e llene chidine mangav o pomozipe.
29E llukel ta e chiriklia
cherdile sargo me phlal ta me phea.
30Mo mas kalilo ta perel,
ta me kokala phabon nasualimatar.
31Mi arpa ta mo firo
basalel samo llilia zalosne.
Currently Selected:
Job 30: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
