Job 29
29
Job
1Pale dia orba o job ta phenda:
2¡Gia sukar avela te iriu man palpale
ande llivesa kana o Del arakhela man,
3kana klichila leki lampara pe mo soro,
ta kletosarela ando truniariko te ta sai phirav,
4sargo omanglal kana sema terno
kana e volia e Devleki saia pe mi chara,
5kana saia manchar o Del kai si le sa e zor,
ta sea me chaurre truial mandar,
6kana jalavava me porrne ando thud,
ta katar e barra likela but zeitino!
7Kana likava po udar e foroko,
ta lacharava mi estolicha pe plasa,
8e terne gurudona kana nakhava,
ta e phure ustena ta achena pe porrne.
9E llene mai glamne ni dena orba,
thovena po va pe po mui.
10O avazi katar e llene mai glamne achela,
ta lengi chib lipilape pe lengo taloi.
11E llene kai asunena man blagosina man,
ta e llene kai dikhena man dena manchar orba,
12Soke me mukliarava e chorre kai molilape mange,
ta e bidadenge kai ni saia len ko te pomozil len.
13Gola kai saia te jasaol blagosina man,
ta veseliva o lio katar e phivlia.
14Furiado sema ando chachipe,
ta sargo iek gerachi ta iek korona
sea e ezgode orta kai cherava.
15Me sema e akha e korrenge
ta porrne e bangenge.
16Sema o dad katar e chorre,
ta katar e kris kai ni acharava sikivava.
17Phaglem e danda katar o lleno bilacho,
ta cherava te mukliarel katar po mui e llenen.
18Me phenava gia:
Ka ziviu but burs,
ta ka merav ande mo kuibo.
19Me zile sea pasa o pai,
ta ande me va achela o pai kana pechala peke.
20Mo blagosipe nevardola ande mande,
ta mo arko saia le zor ande mo va.
21Asunena man ta aduricharena,
ta achena te asunen sar sikavava len.
22Pe me alava niko ni phenela niso,
ta saurre acharena kai sema ando chachipe.
23Aduricharena man sargo kana ka delpeke,
ta putarena po mui karing o pai kai saia te avel.
24Kana asava lenchar, nasti pachana le,
ta ni achavena mi veselia.
25Phenava lenge dal saia orta lengo drom,
ta besava maskar lende sargo iek gazda,
ta sema sargo o charo maskar e boñikura,
sargo o lleno kai del zor golen kai roven.
Currently Selected:
Job 29: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
