Job 31
31
1Jalem sovel pe me akha,
ta ni dikhava pe ni iek chei.
2A ¿So maka del man o Del kai si upre,
so sai diaia man upral o Del kai si le sa e zor?
3¿Ni len e duk gola kai ni pachan ando Del,
ta gola kai cheren o bilachipe?
4¿Ni dikhel katar phirav,
ta llinel sa me korakura?
5Te llelem kojaimaia,
o te sigardem te kojavav,
6Te zumavel man o Del ande po chachipe,
ta ka llanel kai ni sem dosalo.
7Te likistem katar o drom,
te llelo mo lio pala e ezgode kai dikhav,
ta te liem varekake ezgode me vastenchar,
8daboida te thovav me e simiche ande phuv,
ta aver lleno te jal lendar,
ta te chirden mo lliu kai lel te bariol.
9Te kojadilo mo lio pala iek diskinia,
ta te dikhlem katar o udar pe avereki rromi,
10Daboida te radil avereke mi rromi,
ta te perel peke laia aver murus.
11Soke pala gua bilachipe
si te pochindol angla e krisaria.
12Soke gua si e iag kai phabarel llik kai o limori,
ta sai phabarel sa so si man.
13Te na thodema sama me slugenge
kana mangena mandar iek ezgoda chachi,
14¿So sai cherava te puchel man o Del?
¿So ka phenav leke?
15A o Del dia man o zivoto ta i me sluga,
ta cherda te bariva ande amare deengo lli.
16Te na muklem te veselilpe o chorro,
ta te cherdem te jasarel e vlaga e phivli,
17te jalem korkorre ta ni diem te jal
o bidadeko,
18soke me sar kana sema terno
pomozisardem e minonen kai ni saia len dada,
ta sa o vreme pomozisardem e phivlien.
19Kana dikhava iekhe kai merel siletar,
ta ni saia so te thovel pe pete gua kai inai le niso,
20te na blagosisarde man sa pe liea
pala e bal me bakrenge ka tatarde lenge zea,
21te vazdiem mo va po bidadeko
soke llanav ka ni ka dosaren man po udar e foroko,
22Daboida te phagon me zea
ta o kokalo katar mo va te phagol.
23Soke darava te dukhavel man o Del,
soke leki zor si but bari ta nasti terpiu la.
24Ni uzdiu man ando sunakai,
me uzdiu man ando Del.#Sal 49.6; 52.6-7.
25Te veselisailem soke barilo mo barvalipe,
ta kai cherdem but chari me vastenchar,
26te dikhlem sar kletol o kham,
o sar dikhol o chon kai nakhel gia sukar,
27ta te kojadilo mo lio po chorial,
ta te chumidiem mo va isto me,#Dt 4.19.
28i gava bilachipe ka avel krisime,
soke golea phendema
kai inai iek Del kai si gazda pe sa e ezgode.
29Te veselisailem soke nakhla o bilachipe
o lleno kai murzil pe mande,
ta te avila mange dragostia kai nakhel iek nuzda,#Pr 24.17.
30nikada ni manglem e Devletar
te avel proketo leko zivoto.
31Me sluge phenena:
¿Ko ni chalilo pe leki sinia?
32Niko ni nakhlo katar mo cher
bi te nakhel e riat andre.
33Te uchardem mo bilachipe sargo e llene,
ta te gurudem ande mo brek mo bilachipe,
34soke darailem katar e llene,
ta darada man o lallao katar e familie,
ta ni likistem katar mo cher,
35¡Daboida te asunel man vareko!
Soke me uzdiu man kai o Del kai si le sa e zor
ka del orba cheres ma,
i te pisil mo dusmano mi dos pe iek lil.
36Inllarava gua lil pe me dume
ta thovavale pe mo soro sargo iek korona.
37Ka phenav e Devleke gachin korakura phirav,
ta sargo iek glamno lleno ka avav angla le.
38Te urkil jolinaia pe mande e phuv,
ta te rovel suako chindipe kai si pe late,
39te jalem lake septelie ta ni, pochindem
o te dukhadem e llenen kai si gazda pe phuv,
40Daboida te liken mange karrne a na lliu,
ta po than katar e sebada te liken patra gado.
Llik kate aven e alava katar o Job.
Currently Selected:
Job 31: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
