Job 2
2
1Aver llive kai chidinaile e suechura angla o Del, avilo i o satanas maskar lende. 2Ta o Del phenda leke:
¿Katar ave?
O satanas phenda:
Avav katar e phuv, phirdem la pe suako rig.
3Ondaka o Del phenda:
¿Dikhlan sar si mo sluga o Job? ¡Inai niko sargo vou pe phuv, vou si chacho ta orta, del liubao e Devle ta inai ando bilachipe, ta llik kate llal orta, i kana tu thodan man te zatriv le pala niso!
4A o satanas phenda e Devleke:
Te dukhadan le pe leko mas, ka del sogo avela le pala po zivoto. 5A inzar cho va pe lete, ta dodisar leke kokala ta leko mas, ta dik dal ni ka kusel tut isto angla tu.
6Ta o Del phenda leke:
Vou si ande che va, samo na mundar le.
7Ondaka o satanas llelotar katar o Del, ta thoda po Job iek ller bilachi, katar leke porrne llik kai leko soro. 8Ta o Job llelo te besel pasa iek umpa llubri ta lia o kotor katar iek piri te janudelpe. 9Ondaka leki rromi phenda leke:
¿Llik kate san chacho? ¡Kus e Devle ta mer!
10A vou phenda:
¡Chei, na de orbe sargo e diskinie dile! ¿A so?
¿Ka la katar o Del o lachipe a o bilachipe ni ka la le? ta ande sa gala ezgode o Job ni cherda o bilachipe.
E amal katar o Job aven te dikhen le
11Trin amal katar o Job, o Elifas temanita, o Bildad sujita ta o Zofar naamatita, kana asunde sa o bilachipe kai nakhla, avile suako iek katar pi phuv, soke achilea pe orba te aven te dikhel kai saia lenge zalba pala le, ta de den le zor. 12Dikhle le duratar ta ni pinllarde le, ta rovde ando baro avazi ta e trin chudie pe po soro o prajo. 13Ta besle pe phuv pasa le efta llive ta efta racha, ta ni iek lendar ni phenela leke niso, soke dikhena kai saia but dukhado.
Currently Selected:
Job 2: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
