Popular Bible Verses from Job 2

Share

Ondaka leki rromi phenda leke: ¿Llik kate san chacho? ¡Kus e Devle ta mer! A vou phenda: ¡Chei, na de orbe sargo e diskinie dile! ¿A so? ¿Ka la katar o Del o lachipe a o bilachipe ni ka la le? ta ande sa gala ezgode o Job ni cherda o bilachipe.

Ondaka o Del phenda: ¿Dikhlan sar si mo sluga o Job? ¡Inai niko sargo vou pe phuv, vou si chacho ta orta, del liubao e Devle ta inai ando bilachipe, ta llik kate llal orta, i kana tu thodan man te zatriv le pala niso!

Ta o Del phenda leke: Vou si ande che va, samo na mundar le.

Trin amal katar o Job, o Elifas temanita, o Bildad sujita ta o Zofar naamatita, kana asunde sa o bilachipe kai nakhla, avile suako iek katar pi phuv, soke achilea pe orba te aven te dikhel kai saia lenge zalba pala le, ta de den le zor. Dikhle le duratar ta ni pinllarde le, ta rovde ando baro avazi ta e trin chudie pe po soro o prajo. Ta besle pe phuv pasa le efta llive ta efta racha, ta ni iek lendar ni phenela leke niso, soke dikhena kai saia but dukhado.