Job 14
14
1O manus kai biandilo katar e diskinia,
zivil cherricha ta si chinio katar e duk.
2Likel sargo iek lulunllin ta sukol,
nakhel sargo iek senka ta ni dikhol ios.#Sal 39.4-6; 102.11; 109.23; Ekl 6.12.
3¿Ta pe gava manus dikhlan
ta thove man pe kris?
4A ¿ko ka chistol so si melalo? ¡Niko!
5Chachimaia llangliolpe gachin ka zivil,
ta tu llane gachin si leke chona,
tu thodan leke gachin ka zivil
ta kotar ni ka nakhel.
6Te mukea le vou ka merel,
a sogo zivila, vou ka volil po zivoto
sargo o lleno kai volil po rado.
7Soke te avela chindo o kas, achel letar vareso,
sai zelenil pale, ta ni ka achel bi patrengo.
8Te phuriona ande phuv lake zile,
ta te merel o kas po prajo,
9te resela lete o pai ka zelenil,
ta ka barion leke krangura sargo iek kas terno.
10A o manus kai merel, achel bi zivotoia,
¿Ta kai ka avel vou?
11Gia sar e paia llantar katar e mora
ta e len sukol,
12gia o manus merel ta ni ustel ios,
lligo ni ka avel ios o miloso,
ni ka llungadon, ta ni ka usten katar pi lindri.
13¡Ioi, so dava te guruven man ando limori,
te ucharen man lligo ni ka llaltar chi joli,
te thove mange iek llive ta te de tut golli mandar!
14Te merela o manus ¿Ka zivil pale?
Sogo ziviva ka aduricharav,
lligo ni ka mukliare man.
15Ondaka tu ka ikhare, ta me ka dav anglal,
ka voli so tu cherdan che vastenchar.
16A akana lline me korakura,
ta ni le che akha katar mo bilachipe.
17Ande iek vrecha si phanglo mo bilachipe,
ta suvde si me ezgode bilache.
18Chachimaia o burdo kai perel drobolpe,
ta e barra si ikande katar po than,
19e barra jalion katar o pai kai nakhel zurale,
ta inllarel o prajo katar e phuv,
isto gia tu chere te merel so aduricharel o manus.
20Ostade tu ka ave mai zuralo neko o manus,
ta tu ka trade le,
ta leko mui cherdol aver.
21Leke chaurre ka aven blagosime,
a vou ni ka llanel le, o ka thoven len ando la lallao,
a vou ni ka thovel lenge sama.
22Leko mas pe leki esnaga ka dukhal le,
ta ka tristolpe leko lio.
Currently Selected:
Job 14: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
